Jandarbek Bekshin megapolistiń «sary» aimaqta 24 qazan men 14 qarasha aralyǵynda bolǵanyn eske saldy. Sonymen qatar, ol Almatynyń «jasyl» aimaqqa kóshkenin atap ótti, sebebi qala turǵyndary da, uiymdar da karantindik shekteýlerdi saqtady.
Jalpy, megapoliste koronavirýs ahýalynyń turaqtanýy jalǵasýda: apta ishinde 936 jańa infektsiia tirkeldi, ótken táýlikte COVID-19 juqtyrǵandar sany – 128. Jalpy, ótken aptada dert juqtyrǵandardy úlesii – 82%, bular vaktsinalanbaǵan azamattar.
– Buǵan qoldanystaǵy shekteý sharalary men halyqty vaktsinalaý deńgeiin 48%-ǵa jetkizý arqasynda qoljetti. Bizde aptalyq juqtyrý azaidy, biraq ony naqtylaý úshin 22 qarashaǵa deiin «sary» aimaq talaptaryn saqtaý qajet, – dedi Jandarbek Bekshin.
Almatynyń bas sanitarlyq dárigeriniń aitýynsha, derttiń optimistik kórsetkishterge qaramastan, kovid balalar úshin qaýipsiz degen qate pikir. Jandarbek Bekshin naqty statistikany keltirdi: qalanyń infektsiialyq statsionarlarynda 673 adam, onyń ishinde 17 bala bar.
– Sondyqtan 12 jastan asqan jasóspirimderdi belsendi vaktsinalaý óte mańyzdy. Jańa «Delta» nusqa balalar úshin óte qaýipti ári tez juǵady, eger ótken jyly 281 oqýshy juqtyrsa, osy jyldyń basynan beri juqtyrǵandar sany 15 039, – dedi Almaty SEBD basshysy.
Epidemiologtar vaktsinalanbaǵan almatylyqtardyń qansha jastaǵylary jii juqtyratynyn taldady: 20-dan 39-ǵa deiin – 29%, shamamen 40-tan 59-ǵa deiin-27%, 60 jáne odan joǵary – 26%.
Juqtyrǵandardyń ishinde eń kóp bóligi ózin-ózi jumyspen qamtyǵan jáne jumyssyz azamattar – 28%, zeinetkerler – 25%, túrli uiymdar, JShS, JK qyzmetkerleri – 21%. Bir apta ishinde juqtyrǵandardyń jalpy sanynan jasóspirimder 5,3%-dy, 14 jasqa deiingi balalar – 13,3%-dy, onyń ishinde 1 jasqa deiin – 2,2%-dy quraidy.
Jandarbek Bekshin ýaqyt óte kele antidenelerdiń kontsentratsiiasy tómendeitinin, iaǵni vaktsinalardyń alǵashqy dozalaryn alǵannan keiin 6 nemese 9 ai ótken soń KVI-ǵa qarsy revaktsinalaný qajet ekenin eske saldy.
