Bekmambetovke qarsy shyqqan Adambai endi ony sheksiz qurmetteitinin aitty
Esterińizde bolsa, jaqynda rejisser Bekmambetov otandyq kinolardyń bilet qunyn arzandatý jóninde bastama kótergen edi. Ony estigen Adambai áriptesine qarsy shyqty. Mundai qadamnyń óz abyroiymyzǵa nuqsan keltiretinin málimdegen ol Bekmambetovke ashyq túrde shabýyldaǵan-dy.
Ol kezde Nurtas Adambai: «Otandyq filmderdiń bilet baǵasy qansha turý kerektigin aitatyndai, Timýr qansha qazaqstandyq film túsirip edi? Mundai oilaryn nege ol Reseide aitpaidy?» – degen edi.
Al búgin Bekmambetovtiń ózimen tanysqan ol:
«Timýr Bekmambetovpen tanysqanyma qýanyshtymyn. Óte jaqsy ári erekshe azamat. Qazaqstannan tys aýmaqta úlken jetistikke jetken alǵashqy otandyq rejisser. Qurmetteimin», – dep jazdy.
Jeli oqyrmandary jýyrda ǵana «aiqasqa» túsken rejisserlerdiń bul qylyǵyn túsinbei qaldy. Olardyń kópshiligi bilet quny máselesiniń sheshilgen-sheshilmegenin suraýmen álek boldy.
