Mańǵystaý oblysynda 10 adamnyń ómirin qiǵan jol apaty boldy. Ishki ister ministriniń tapsyrmasymen jedel shtab quryldy. Shtab táýlik boiy jumys isteidi,- dep habarlaidy Dalanews.kz.
"Ministr qylmystyq istiń tergeý barysyn óz baqylaýyna aldy. Qazir tergeý aiasynda júrgizýshiniń is-qimyly, kóliktiń tehnikalyq jaǵdaiy, marshrýt jáne tasymaldaý sharttary tekserilip jatyr", - dedi IIM resmi ókili - departament bastyǵy Shyńǵys Álekeshev.
Jolaýshylar qasietti Beket ataǵa qajylyq saparǵa shyqqan. Barlyǵy - Qazaqstan azamattary, ártúrli óńirlerden kelgen.
Zardap shekkender aýrýhanaǵa jetkizildi, olarǵa meditsinalyq kómek kórsetilip jatyr.
"Ishki ister ministrligi qaza tapqandardyń týystary men jaqyndaryna qaiǵyryp kóńil aitady. Sonymen qatar, júrgizýshi men tasymaldaýdy uiymdastyrýshylardy jolda qaýipti jaǵdai týdyrmas úshin sharshaǵan kúide rólge otyrmaýǵa, kólikke artyq júk salmaýǵa shaqyramyz. Sharshaǵan júrgizýshiniń ózi úlken apatqa sebep bolýy múmkin", - dedi Shyńǵys Álekeshev.
