– Qazir protest bar ma, bar. Bul saılaý – burynǵy saılaýlardan ózgeshe ótti. Bul jolǵy saılaýda baqylaýshylar kóp boldy. Báıgede barlyq at máreni birinshi bolyp kespeıdi ǵoı. Sondyqtan báıege-báseke bolǵan jerde kóńili tolmaıtyn adamdardyń bolýy zańdy qubylys. Biraz adam «bıtke ókpelep tonyn otqa jaǵypty» degendeı alańǵa shyqty. Qaı halyq alańǵa shyǵyp arman-muratyna jetipti. Qaı el tóńkeris jasap, ózi otyrǵan butaǵyn aralapty? – dep Bekbolat Tileýhan jurtty sabasyna túsirýge tyrysty.
Budan keıin ol saılaýda jeńiske jetken Qasym-Jomart Toqaevqa elde týyndaǵyn áleýmettik máselelerdi sheshýge mursat berý kerek ekenin aıtty.
– Árıne, qoǵamda qyjyl bar. Nesıesin jaba almaı halyqtyń qınalyp júrgenin bilemin. Biraq, bul – aıqaımen sheshilmeıdi. Ana alańda turǵan polısıa meniń baýyrlarym, ereýildetip júrgender meniń – uldarym men qyzdarym. Osyny kórgende ishim ashıdy. Mundaı qasiretti jaǵdaıǵa berilmeýimiz kerek. Toqaev aıtty «Starye problemy ı novye reshenıe» dep aıtty ǵoı. Biz oǵan mursat berıik. Táýelsizdiktiń ekinshi testi, ıaǵnı, jańa synaǵy bastaldy. Jańa dáýirge aıaq bastyq. Nazarbaev dáýiri ótti. Astanasyn salyp, Qazaqstandy búkil álemge tantty. Bir sózben aıtqanda ózine tıisti sharýasyn aıaǵyna deıin jetkizdi. Búginde Qazaqstan sekildi elge syrtpen baılanysty damytatyn dıplomat kerek ekenin bárimiz bilemiz. Sondyqtan dál qazir bizge sabyrlylyq qajet. Mundaı sátte qanǵa sińgen tektiligimizdi kórsetýimiz kerek, – dedi Májilis depýtaty.
https://www.youtube.com/watch?v=KXP6OeZ8BbI
