كەزەكتەن تىس پرەزيدەنت سايلاۋى وتكەننەن كەيىن ەلدىڭ كوڭىلى الاڭ بولعانى بەلگىلى. وسى رەتتە بەلگىلى قوعام قايراتكەرى، ءماجىلىس دەپۋتاتى بەكبولات تىلەۋحانوۆ جۇرتتى سابىرعا شاقىرىپ، پىكىر ءبىلدىردى. ونىڭ وي-پايىمى الەۋمەتتىك جەلىگە تاراپ كەتتى.

– ءقازىر پروتەست بار ما، بار. بۇل سايلاۋ – بۇرىنعى سايلاۋلاردان وزگەشە ءوتتى. بۇل جولعى سايلاۋدا باقىلاۋشىلار كوپ بولدى. بايگەدە بارلىق ات مارەنى ءبىرىنشى بولىپ كەسپەيدى عوي. سوندىقتان بايەگە-باسەكە بولعان جەردە كوڭىلى تولمايتىن ادامداردىڭ بولۋى زاڭدى قۇبىلىس. ءبىراز ادام «بيتكە وكپەلەپ تونىن وتقا جاعىپتى» دەگەندەي الاڭعا شىقتى. قاي حالىق الاڭعا شىعىپ ارمان-مۇراتىنا جەتىپتى. قاي ەل توڭكەرىس جاساپ، ءوزى وتىرعان بۇتاعىن ارالاپتى؟ – دەپ بەكبولات تىلەۋحان جۇرتتى ساباسىنا تۇسىرۋگە تىرىستى.

بۇدان كەيىن ول سايلاۋدا جەڭىسكە جەتكەن قاسىم-جومارت توقايەۆقا ەلدە تۋىنداعىن الەۋمەتتىك ماسەلەلەردى شەشۋگە مۇرسات بەرۋ كەرەك ەكەنىن ايتتى.

– ارينە، قوعامدا قىجىل بار. نەسيەسىن جابا الماي حالىقتىڭ قينالىپ جۇرگەنىن بىلەمىن. ءبىراق، بۇل – ايقايمەن شەشىلمەيدى. انا الاڭدا تۇرعان پوليسيا مەنىڭ باۋىرلارىم، ەرەۋىلدەتىپ جۇرگەندەر مەنىڭ – ۇلدارىم مەن قىزدارىم. وسىنى كورگەندە ءىشىم اشيدى. مۇنداي قاسىرەتتى جاعدايعا بەرىلمەۋىمىز كەرەك. توقايەۆ ايتتى «ستارىە پروبلەمى ي نوۆىە رەشەنيە» دەپ ايتتى عوي. ءبىز وعان مۇرسات بەريىك. تاۋەلسىزدىكتىڭ ەكىنشى تەستى، ياعني، جاڭا سىناعى باستالدى. جاڭا داۋىرگە اياق باستىق. نازاربايەۆ ءداۋىرى ءوتتى. استاناسىن سالىپ، قازاقستاندى بۇكىل الەمگە تانتتى. ءبىر سوزبەن ايتقاندا وزىنە ءتيىستى شارۋاسىن اياعىنا دەيىن جەتكىزدى. بۇگىندە قازاقستان سەكىلدى ەلگە سىرتپەن بايلانىستى دامىتاتىن ديپلومات كەرەك ەكەنىن ءبارىمىز بىلەمىز. سوندىقتان ءدال ءقازىر بىزگە سابىرلىلىق قاجەت. مۇنداي ساتتە قانعا سىڭگەن تەكتىلىگىمىزدى كورسەتۋىمىز كەرەك، – دەدى ءماجىلىس دەپۋتاتى.

 

https://www.youtube.com/watch؟v=KXP6OeZ8BbI