"Qazaqstandyqtar, jer sheteldikterge jalǵa beriler bolsa, bul aýyl turmysyna keri áserin tigizýi múmkin ekenine alańdaýly. Siz bul týraly ne oilaisyz?" degen jýrnalistiń saýalyna Bekbolat Tileýhan bylai dep jaýap bergen eken.
– Keibir internet-basylymdar meniń atyma qarata birneshe ret úndeý joldaǵan eken. Meniń bul máseleni talqylaýǵa aralaspai otyrǵanymnyń sebebin bilesiz be?
Birinshiden, men tek shyǵarmashylyqtyń ǵana adamy emespin, sonymen birge memlekettiń ókili jáne «Nur Otan» partiiasynyń múshesimin. Munyń bári maǵan belgili bir jaýapkershilik júkteidi. Sebebi, men ne aitsam da, tek óz atymnan aitpaimyn.
Mundai salmaqty saýalǵa jaýap bermes buryn aldymen mamandarmen – zańgerlermen, sheneýniktermen aqyldasýym kerek.
Keibireýler menen jer máselesine qatysty ótkir syn aitady, tipti saiasi málimdeme jasaidy dep kútetin siiaqty. Nege? Árbirden soń, bul sheshimdi Bekbolat Tileýhan qabyldaǵan joq, atalǵan zań byltyrǵy jyldyń qarashasynda kúshine engen.
Zańda «jer sheteldikterge satylmaidy» dep taiǵa tańba basqandai jazylǵan.
Árine, atalǵan máselege qatysty kózqarasymdy bildirerde men otandyq jáne álemdik ekonomikadaǵy jaǵdaidy, elimizdegi áleýmettik-saiasi ahýaldy nazarǵa alamyn. Aqyrǵy sheshimdi qabyldaýdy keiinge shegerip ortaq mámilege kelýdiń múmkindigin de joqqa shyǵarmaimyn.
Sonymen qatar, meniń kózqarasym boiynsha kez-kelgen oi-pikir qoǵamdy qaq jarmaýy kerek, munyń arty ashyq qaqtyǵystarǵa, turaqsyzdyqqa aparatyn ahýalǵa jetpeýi tiis.
Azamattar biliktiń belgili bir sheshimin durys dep tappasa mindetti túrde alańǵa shyǵýy kerek pe? Bálkim, saýatty resmi saýal jiberip depýtattarǵa joldaǵan jón shyǵar, al biz óz kezegimizde ony qarap shyǵarmyz. Máseleniń osyndai qyrlary óte kóp.
Sondyqtan Bekbolat Tileýhan arzan popýlizmmen ainalysady dep kútpeńizder. Menen mundaidy kútken adamdardyń kóńilin qaldyrýǵa májbúrmin.
Derekkóz: vlast.kz
Aýdarǵan, Dýman Byqai
Мақаланы көшіріп басарда гиперсілтемесін көрсетуге міндеттісіз.
