Aqtóbelik otbasy 27 jyl buryn joǵalyp ketken ulyn áli kútip júr. Rýslan esimdi jigit 1999 jyly kóktemde ǵaiyp bolyp, sodan beri múlde habarsyz ketken, dep habarlaidy dalanews.kz Almaty.tv-ǵa siltep.
Sabyrovtar otbasy 1999 jyly 22 naýryzda taǵdyrdyń tálkegine túsken. Óitkeni dál sol kúni uly joǵalǵan. Rýslan úiinen shyǵyp ketip, qaita oralmaǵan. Sol ýaqytta 30 jasta bolǵan jigit shańyraq kóterip, jeke kásibin de dóńgelete bastaǵan.
"Biz úide bolǵan joqpyz, óitkeni meniń anam aýyryp, soǵan ketip qalǵanbyz. Balalar úide qaldy. Eki qyz ben ózi. Al kelinshegi anasynyń týǵan kúnine ketip qalypty. Úlken qyzym bazarǵa jibergen, sodan joq", - dedi Rýslannyń anasy Almash Sabyrova.
Osydan soń joǵalǵan azamattyń jaqyndary izdestirý jumystaryn bastaǵan. Politsiiaǵa habar berip, Rýslandy izdeý úshin respýblikanyń ózge de óńirlerine attanǵan. Kóripkelderge de baryp, tiri ekenin estigen. Al politsiia bul isti 27 jyl ótse de áli jappaǵan.
"Aqtóbe oblysy Politsiia departamenti 1999 jyly joǵalǵan Sabyrov Rýslan Shamshadinulyn izdestirý jumystaryn júrgizip jatyr. Azamattyń qaida ekeni áli belgisiz", - dedi Aqtóbe oblysy Politsiia departamenti baspasóz qyzmetiniń basshysy Erbolat Sarqulov.
