Keńes berý kezdesýinde «Otbasy bank» AQ Túrkistan oblystyq filialynyń keńesshisi Uljan Berdasheva men áriptesteri jurtshylyqqa depozit ashý erejesin, baspanaly bolýdyń sharttaryn túsindirdi.
Bazarda jumys isteitin kásipkerler men turǵyndar kókeidegi suraqtaryn qoiyp, maǵlumattarǵa qanyqty. Jalpy 50-den astam turǵynǵa keńes berilse, 10 adam «Otbasy bankinen» jarnalyq esepshottaryn ashty. Endi olar óz baspanalaryna qarjy jinaidy.
Uiymdastyrýshylardyń biri, «Jas Otan» jastar qanatynyń Túrkistan oblystyq filialynyń tóraǵasy, qalalyq máslihat depýtaty Janserik Jumannyń aitýynsha, qarjylyq saýatty arttyryp, baspana alýdy josparlaýdyń mańyzy zor.
– Qazir qoǵamdaǵy eń ózekti máseleniń biri – turǵyn úi. Eldegi eńbekke qabiletti azamattardyń 25 paiyzynyń ǵana óz kúshimen baspanaly bolýǵa shamasy jetedi degen derek bar. Bul rette «Otbasy bankiniń» tiimdi baǵdarlamalaryn jurtshylyq sanasyna sińirýdiń mańyzy zor. Búgin banktiń ókilderimen birge turǵyndarǵa birlese keńes berýdi jón kórdik, – deidi ol.
«Nur Otan» partiiasynyń «Ózgerister joly: Ár azamatqa laiyqty ómir!» atty sailaýaldy baǵdarlamasynda turǵyndardy baspanamen qamtý máselesi qamtylǵan. Aldaǵy ýaqytta da turǵyn úi saiasatyndaǵy memlekettik baǵdarlamalardy túsindirý jumystary jalǵasady.
