Qazaqstan Respýblikasynyń agroónerkásiptik kesheni Úkimet jumysyndaǵy basym baǵyttardyń biri bolyp qala beredi. Biylǵy jyly azyq-túlikti qaita óńdeýge ǵana emes, kóktemgi egis jumystaryn qarjylandyrýdyń aitarlyqtai ulǵaiýyna da erekshe nazar aýdaryldy. Bul týraly Primeminister.kz suhbatynda QR Premer-Ministriniń orynbasary-Ulttyq ekonomika ministri Nurlan Baibazarov málimdedi.
«Fermerler teńgemen jyldyq 5% jeńildikti aqshaǵa qol jetkizdi. Sondai-aq, jaqynda «Báiterek» Holdingi aýyl sharýashylyǵy tehnikasyn jańartý boiynsha lizingtiń jańa, sondai-aq agrarshylar úshin 5%-dyq baǵdarlamasyn iske qosty», - dep atap ótti Nurlan Baibazarov.
Aýyl sharýashylyǵy tehnikasynyń otandyq óndirisin qoldaý sheńberinde «Báiterek» Holdingi «QazAgroQarjy» AQ arqyly agroónerkásiptik keshen sýbektileri úshin 100 mlrd teńge somasyna jeńildikti lizing baǵdarlamasyn iske qosty.
Jeńildetilgen lizing baǵdarlamasy otandyq óndirýshilerdiń aýyl sharýashylyǵy tehnikasyn satyp alý úshin jyldyq 5%-ben 7 jyldan aspaityn merzimge qarjylandyrýdy usynýdy kózdeidi.
«QazAgroQarjy» AQ derekteri boiynsha, 2024 jyldyń alǵashqy bes aiynda agrarshylar 4 myńnan astam tehnika satyp alǵan, onyń 60%-y otandyq óndiris.
«Jeńildikti lizing» baǵdarlamasyna ótinimderdi qabyldaý 2024 jylǵy 17 maýsymda bastaldy. Ótinim berý úshin Telegram bot KazAgroFinans «@KazAgroFinance.bot» elektrondyq kezegi paidalanylady» (https://t.me/kaz_agro_finance_bot).
Klientter Telegram bot-qa ótinim bergen kúnnen bastap 5 jumys kúni ishinde óńirdegi «QazAgroQarjy» filialyna qujattardyń tolyq paketin usynýy qajet. Filialdardyń bailanystary kompaniianyń www.kaf.kz saitynda kórsetilgen.
