قازاقستان رەسپۋبليكاسىنىڭ اگروونەركاسىپتىك كەشەنى ۇكىمەت جۇمىسىنداعى باسىم باعىتتاردىڭ ءبىرى بولىپ قالا بەرەدى. بيىلعى جىلى ازىق-تۇلىكتى قايتا وڭدەۋگە عانا ەمەس، كوكتەمگى ەگىس جۇمىستارىن قارجىلاندىرۋدىڭ ايتارلىقتاي ۇلعايۋىنا دا ەرەكشە نازار اۋدارىلدى. بۇل تۋرالى Primeminister.kz سۇحباتىندا ق ر پرەمەر-مينيسترىنىڭ ورىنباسارى-ۇلتتىق ەكونوميكا ءمينيسترى نۇرلان بايبازاروۆ مالىمدەدى.
«فەرمەرلەر تەڭگەمەن جىلدىق 5% جەڭىلدىكتى اقشاعا قول جەتكىزدى. سونداي-اق، جاقىندا «بايتەرەك» حولدينگى اۋىل شارۋاشىلىعى تەحنيكاسىن جاڭارتۋ بويىنشا ليزينگتىڭ جاڭا، سونداي-اق اگرارشىلار ءۇشىن 5%-دىق باعدارلاماسىن ىسكە قوستى»، - دەپ اتاپ ءوتتى نۇرلان بايبازاروۆ.
اۋىل شارۋاشىلىعى تەحنيكاسىنىڭ وتاندىق ءوندىرىسىن قولداۋ شەڭبەرىندە «بايتەرەك» حولدينگى «قازاگروقارجى» اق ارقىلى اگروونەركاسىپتىك كەشەن سۋبەكتىلەرى ءۇشىن 100 ملرد تەڭگە سوماسىنا جەڭىلدىكتى ليزينگ باعدارلاماسىن ىسكە قوستى.
جەڭىلدەتىلگەن ليزينگ باعدارلاماسى وتاندىق وندىرۋشىلەردىڭ اۋىل شارۋاشىلىعى تەحنيكاسىن ساتىپ الۋ ءۇشىن جىلدىق 5%-بەن 7 جىلدان اسپايتىن مەرزىمگە قارجىلاندىرۋدى ۇسىنۋدى كوزدەيدى.
«قازاگروقارجى» اق دەرەكتەرى بويىنشا، 2024 جىلدىڭ العاشقى بەس ايىندا اگرارشىلار 4 مىڭنان استام تەحنيكا ساتىپ العان، ونىڭ 60%-ى وتاندىق ءوندىرىس.
«جەڭىلدىكتى ليزينگ» باعدارلاماسىنا وتىنىمدەردى قابىلداۋ 2024 جىلعى 17 ماۋسىمدا باستالدى. ءوتىنىم بەرۋ ءۇشىن Telegram bot كازاگروفينانس «@KazAgroFinance.bot» ەلەكتروندىق كەزەگى پايدالانىلادى» (https://t.me/kaz_agro_finance_bot).
كليەنتتەر Telegram bot-قا ءوتىنىم بەرگەن كۇننەن باستاپ 5 جۇمىس كۇنى ىشىندە وڭىردەگى «قازاگروقارجى» فيليالىنا قۇجاتتاردىڭ تولىق پاكەتىن ۇسىنۋى قاجەت. فيليالداردىڭ بايلانىستارى كومپانيانىڭ www.kaf.kz سايتىندا كورسەتىلگەن.
