Olardyń Shymkent jurtshylyǵymen kezdesýi partıanyń Saıram-SHymkent-Túrkistan baǵytyndaǵy avtobýspen saılaýaldy úgit-nasıhat júrgizý týrnesi aıasynda ótip jatyr.
«Baıtaq» partıasy Shymkent qalalyq fılıalynyń tóraǵasy Qurmet Kerimbekovtyń aıtýynsha, Shymkentten 2 adam Májiliske, 8 adam máslıhatqa úmitker eken. Ol «Baytaq» partıasynan Shymkent qalasy máslıhatyna úmitker eken.
«Men Baytaq partıasyna ıdeıamen keldim. Ózim kezinde ekologıa salasynda uzaq jyl qyzmet ettim. Ómirimniń kóp bóligin ekologıaǵa arnadym. «Aqsý-Jabaǵyly» qoryǵynda jobalar júrgizdim. Bizge taza aýa, taza sý men sapaly tamaq qajet. Buǵan deıin bizde sony oılaıtyn partıa bolmady. Bizdiń partıa sony tanytatyn partıa.
Partıamyzdyń saılaýaldy baǵdarlamasy «Jańa Qazaqstan», «Ádil Qazaqstan » jáne «Jasyl Qazaqstan» degen úsh úlken bólimnen turady. Biz jergilikti bıliktiń halyqqa muqıat esep bergenin qalaımyz.
Árbir ákim keterinde esep berýi kerek. Sosyn qalada qandaı da bir úlken jobany júzege asyrmas buryn, ǵylymı turǵydan ábden zerttep baryp, kirisý kerek. Bızneske beretin nesıeniń paıyzdyq ústemesin azaıtýǵa umtylamyz. Tehnoparkter ashyp, sol jerde apparattar qoıyp, adamdarǵa sony jalǵa berip, isin júrgizýge jaǵdaı jasaýdy usynamyz. Elektr energıasyn únemdeý máselesin qolǵa alamyz. Qoǵamdyq kólik sapasyn jaqsartyp, jyldam ári qolaıly etýge áreket etemiz. Sosyn Shymkent qalasyna jańadan jylý elektr stansasy qajet», — deıdi Qurmet Kerimbekov.
Kandıdattardyń qatarynda «Baytaq» partıasynan QR Parlamenti Májilisi depýtattyǵyna úmitker Seıdýlla Keńesbaıuly Ismaılov bar.
Ol kezdesýde «Rahat-SHymkent» fabrıkasynyń ekologıalyq jaýapkershiligi basqa zaýyt-fabrıkalarǵa úlgi bolýy kerek ekenin aıtyp, Shymkenttegi basqa óndiris oryndarynyń aýaǵa zıandy zattar bólýin azaıtýǵa úles qosatynyn atap ótti.
Kezdesýde partıanyń taǵy basqa músheleri sóz alyp, sóıledi. Jalpy «Baıtaq» partıasynyń Shymkent qalalyq fılıalynan partıalyq tizim boıynsha kandıdattar qatarynda máslıhatqa Danıar Djetpısbaev, Askar Almatov, İlıas Jaqaıuly, Nurbol Súleımenuly, Gúljaına Qalıeva, Halıla Seralıeva, Nurlan Amankýlov syndy úmitkerler bar. Bir mandatty okrýgten Májiliske Bahyt Isaev, máslıhat Sergeı Efremov usynylǵan.
