XIX Jazǵy Aziia oiyndarynyń jeńimpazy Nurjan Batyrbekov óz eliniń Týyn kóterý – árbir sportshynyń maqsaty men armany ekenin tilge tiek etti.
Onyń bul pikirine XIX Jazǵy Aziia oiyndarynyń kúmis júldegeri Galina Dývanova da uosylady.
– Erekshe sezimge bólengenim ras. Elimizdiń namysyn qorǵap, finalǵa shyqqanym úshin qýanyshtan kózime jas keldi. Synǵa túsip, Qazaqstannyń sporty damyp kele jatqanyn kórsetemin, – deidi sportshy.
Elordalyq mekteptiń oqýshysy, biologiia boiynsha halyqaralyq olimpiadanyń júldegeri Ǵalymjan Baqtybai álemdik deńgeidegi ziiatkerlik týrnirde úzdikterdiń qataryna kirgenin birden túsinbegenin jáne óz eliniń namysyn qorǵai alǵanyn maqtan tutatynyn atap ótti.
– Qazaqstan atynan Olimpiadaǵa qatysý jáne Qazaqstannyń namysyn halyqaralyq arenada qorǵaý men úshin úlken jetistik. Men óz elimniń atynan halyqaralyq olimpiadalarǵa qatysa alatynyma qýanamyn, – dep atap ótti onyń komandalasy Dana Amangeldi.
– Qazir Qazaqstan halyqaralyq olimpiadalar boiynsha reitingtiń basynda tur. Bizdiń qatysýshylar qashanda júldeli oryndarǵa ie bolady jáne altyn men kúmisti jiirek alady. Ótken jyldarmen salystyrǵanda bul úlken jetistik, – deidi informatika boiynsha halyqaralyq olimpiadanyń júldegeri Serikbai Nuraly.
https://www.youtube.com/watch?v=vOzPXbXrtJg&t=1s
