Baiqońyr ǵarysh ailaǵynan "Proton-M" zymyran tasyǵyshy Reseidiń "Elektro-L" meteorologiialyq jer serigin ǵaryshqa alyp ushty, dep habarlaidy Dalanews.kz.
Ushyrylym kestesine sai, údetkish blogy bar bas bólik zymyrannyń ekinshi satysynan shamamen 10 minýtqa jetpeitin ýaqytta ajyrady. Al jer serigin belgilengen geostatsionarlyq orbitaǵa shyǵarý birneshe kezeń arqyly júzege asyp, shamamen 7 saǵatqa jýyq ýaqyt aldy.
"Elektro-L" - jańa býyndaǵy besinshi meteorologiialyq jer serigi. Buǵan deiin osy seriiadaǵy apparattar 2011, 2015, 2019 jáne 2023 jyldary ushyrylǵan edi.
Jer serigi aýa raiyn boljaýǵa, klimat ózgeristerin baqylaýǵa, magnitosferany zertteýge jáne tótenshe jaǵdailardy qadaǵalaýǵa qyzmet etedi. Ol kórinetin jáne infraqyzyl diapazonda túsirilim jasap, ár jarty saǵat saiyn derekter jiberýge qabiletti.
Ǵarysh apparatynyń salmaǵy 2 tonnadan asady, al josparlanǵan qyzmet merzimi - 10 jyl.
