Baıqońyr qalasynyń ákimshiligi men «Roskosmosqa» qarasty kásiporyndarda jumys isteıtinder sany 23,5 myń bolsa, sonyń 12,5 myńy – Qazaqstan azamattary.

– Búginde qala uıymdary men mekemelerinde shtat sany qysqaryp, jumysshylar jumystan bosatylýda. Álemde qalyptasqan ekonomıkalyq jaǵdaı baǵdarlamalardy qysqartýǵa, ǵaryshtyq jáne «Baıqońyr» ǵarysh aılaǵyn ustap turý shyǵyndaryn ońtaılandyrýǵa ákep soqty. Memlekettik búdjetke júktemeni tómendetý maqsatynda «Roskosmos» korporasıasy quryldy, – deıdi QR Prezıdentiniń «Baıqońyr» keshenindegi arnaýly ókiliniń qyzmetin qamtamasyz etý basqarmasynyń basshysy Baqytbek Bekpanov.

Resmı statısıkaǵa súıensek, juldyzdy qalada 2014 jyly 360 adam jumystan bosatylsa, sonyń 266-sy, 2015 jyly bosatylǵan 464 jumysshynyń 409-y – QR azamattary. Bıyl 134 adam jumystan qysqartyldy. Onyń 102-si nemese 76%-y – qazaqstandyqtar.

Nazerke SANIAZOVA

 

Derekkózi: baq.kz