Almaty qalasynda politsiia qyzmetkerleri shamamen 30 million teńge kóleminde materialdyq shyǵyn keltirilgen qaraqshylyq shabýyldy jedel túrde áshkereledi,dep habarlaidy Dalanews.kz.
Qylmys kúndizgi ýaqytta jasalǵan. Belgisiz adamdar jábirlenýshini kúsh qoldanamyn dep qorqytyp, bailap qoiǵan da, zergerlik buiymdar, baǵaly múlik jáne aqshalai qarajatty qoldy qylǵan. Atalǵan derek boiynsha qylmystyq is qozǵaldy.
Jedel-izdestirý is-sharalary barysynda kriminaldyq politsiia qyzmetkerleri qysqa merzim ishinde eki kúdiktini anyqtap, ustady. Tergeý áreketteri kezinde urlanǵan múliktiń edáýir bóligi tárkilendi. Ustalǵandar kinásin moiyndap, ýaqytsha ustaý izoliatoryna qamaldy.
Almaty qalalyq politsiia departamenti bastyǵynyń birinshi orynbasary Qýatbek Naýatovtyń aitýynsha, bul qylmystyń jedel ashylýy barlyq bólimsheniń úilesimdi ári kásibi jumysynyń nátijesi.
«Zań men tártip qaǵidaty biz úshin uran ǵana emes, kúndelikti qyzmettiń basty talaby. Aýyr qylmystyń eshqaisysy jaýapsyz qalmaidy. Árbir jábirlenýshi memleket pen politsiianyń óz jaǵynda ekenine senimdi bolýy tiis», dedi ol.
Qazirgi ýaqytta kúdiktilerdiń osyǵan uqsas ózge de qylmystarǵa qatysy bar-joǵy tekserilip jatyr.
