Atap aitqanda, búgin aýdanda buǵan deiin bolmaǵan jabyq tennis korty men jabyq júzý basseini ashyldy. Oblys ákimi sportqa den qoiǵan aýdannyń bir top jastarymen arnaiy kezdesip, pikir almasty.
“Buryn mundai nysandar, kóbinese, qalalyq jerlerde boi kóterip, shaharda ómir súretin jastar úshin ǵana qol jetimdi bolatyn. Endi, mine, aýyldy jerlerde de tek sporttyń kúres, boks túrlerine ǵana emes, ózge de sirek shuǵyldanatyn sport túrlerine memleket tarapynan basymdyq berilip keledi. Bul Elbasymyzdyń taiaýda jariialaǵan Joldaýynda aitylǵandai sportqa tereńirek mán berip, halyqtyń salaýatty ómir saltymen ainalysýy kerektigi týraly aitqan tapsyrmasynyń bizdiń óńirde oryndalyp jatqanynyń aiǵaǵy dep bilem”, – dedi aimaq basshysy.
Aita ketý kerek, aýdan men aýyldy jerlerde zamanaýi sport nysandarynyń kóptep ashylýy tegin emes. Báidibekten buǵan deiin Marat Myqtybekov (Aziiadaǵy dziýdo federatsiiasynyń prezidenti), Erkebulan Shynáliev (bokstan 2008 jyly Beijińde ótken olimpiadanyń qola medal iegeri), Qasymhan Tólenbai (Qazaq kúresinen Álem chempiony) syndy sporttaǵy oǵlandar shyqqany belgili. Budan keiin de aýdanda búgingi paidalanýǵa berilgen sport nysandarynyń arqasynda atalǵan saiypqyrandardyń jolyn qýyp, jalǵaýshylar kóptep shyǵyp, aýdannyń mereiin odan ári ústem etedi degen senim zor.
Jalpy quny 1,3 mlrd. teńge bolatyn Shaian aýylynda ashylǵan nysandardyń demeýshisi sheteldik investorlar. Atap aitqanda, qurylysy byltyr bastalǵan sporttyq obektilerdiń tapsyrys berýshi mekemesi «International fund for Houbara Conservation» korporativtik qory. Jabyq tennis kortynda arnaiy jýynatyn bólmeler qamtamasyz etilip, barlyq jaǵdaiy jasalsa, basseinde bir aýysymda 32 adam júzý sportymen mashyqtana alady.
Osydan soń, bul kúni sporttyń voleibol, basketbol, fýtbol, tennis túrleri men sport zaldaryna arnalǵan ashyq alańshalar paidalanýǵa berildi.
Jalpy búgingi tańda Báidibek aýdanynda balalar men jasóspirimder sport mektebi jumys isteidi. Onda sporttyń 10 túrinen voleibol, basketbol, fýtbol, ústel tennisi, toǵyzqumalaq, boks, qazaq kúresi, dziýdo, grek-rim, erkin kúres bólimderi bolashaq chempiondardy jattyqtyrýda. Sport mektebinde qazirgi tańda 84 bapker 157 topta 1810 oqýshymen jattyǵý jumystaryn júrgizedi. Jyl basynan beri aýdanda 97 sporttyq is-shara uiymdastyrylyp, 9 myńǵa jýyq aýdan turǵyny qatysqan.
Oblystan barǵan jumysshy top aýdanǵa sapary aiasynda Báidibek Qarashauly eskertkishine gúl qoiý rásimin ótkizdi.
Osydan soń, Báidibek aýdanynan shyqqan elimizge belgili azamattardyń basyn qosqan «Shejireli Shaian, Berekeli Báidibek» forýmy ótti. Onda tarihqa bai aýdannyń ótkeni men keleshegi týraly baiandamalar oqylyp, Báidibektiń áleýmettik-ekonomikalyq damýyna úles qosqan birqatar azamattar marapattaldy.
