اتاپ ايتقاندا, بٷگٸن اۋداندا بۇعان دەيٸن بولماعان جابىق تەننيس كورتى مەن جابىق جٷزۋ باسسەينٸ اشىلدى. وبلىس ەكٸمٸ سپورتقا دەن قويعان اۋداننىڭ بٸر توپ جاستارىمەن ارنايى كەزدەسٸپ, پٸكٸر الماستى.
“بۇرىن مۇنداي نىساندار, كٶبٸنەسە, قالالىق جەرلەردە بوي كٶتەرٸپ, شاھاردا ٶمٸر سٷرەتٸن جاستار ٷشٸن عانا قول جەتٸمدٸ بولاتىن. ەندٸ, مٸنە, اۋىلدى جەرلەردە دە تەك سپورتتىڭ كٷرەس, بوكس تٷرلەرٸنە عانا ەمەس, ٶزگە دە سيرەك شۇعىلداناتىن سپورت تٷرلەرٸنە مەملەكەت تاراپىنان باسىمدىق بەرٸلٸپ كەلەدٸ. بۇل ەلباسىمىزدىڭ تاياۋدا جارييالاعان جولداۋىندا ايتىلعانداي سپورتقا تەرەڭٸرەك مەن بەرٸپ, حالىقتىڭ سالاۋاتتى ٶمٸر سالتىمەن اينالىسۋى كەرەكتٸگٸ تۋرالى ايتقان تاپسىرماسىنىڭ بٸزدٸڭ ٶڭٸردە ورىندالىپ جاتقانىنىڭ ايعاعى دەپ بٸلەم”, – دەدٸ ايماق باسشىسى.
ايتا كەتۋ كەرەك, اۋدان مەن اۋىلدى جەرلەردە زاماناۋي سپورت نىساندارىنىڭ كٶپتەپ اشىلۋى تەگٸن ەمەس. بەيدٸبەكتەن بۇعان دەيٸن مارات مىقتىبەكوۆ (ازيياداعى دزيۋدو فەدەراتسيياسىنىڭ پرەزيدەنتٸ), ەركەبۇلان شىنەليەۆ (بوكستان 2008 جىلى بەيجٸڭدە ٶتكەن وليمپيادانىڭ قولا مەدال يەگەرٸ), قاسىمحان تٶلەنباي (قازاق كٷرەسٸنەن ەلەم چەمپيونى) سىندى سپورتتاعى وعلاندار شىققانى بەلگٸلٸ. بۇدان كەيٸن دە اۋداندا بٷگٸنگٸ پايدالانۋعا بەرٸلگەن سپورت نىساندارىنىڭ ارقاسىندا اتالعان سايىپقىرانداردىڭ جولىن قۋىپ, جالعاۋشىلار كٶپتەپ شىعىپ, اۋداننىڭ مەرەيٸن ودان ەرٸ ٷستەم ەتەدٸ دەگەن سەنٸم زور.
جالپى قۇنى 1,3 ملرد. تەڭگە بولاتىن شايان اۋىلىندا اشىلعان نىسانداردىڭ دەمەۋشٸسٸ شەتەلدٸك ينۆەستورلار. اتاپ ايتقاندا, قۇرىلىسى بىلتىر باستالعان سپورتتىق وبەكتٸلەردٸڭ تاپسىرىس بەرۋشٸ مەكەمەسٸ «International fund for Houbara Conservation» كورپوراتيۆتٸك قورى. جابىق تەننيس كورتىندا ارنايى جۋىناتىن بٶلمەلەر قامتاماسىز ەتٸلٸپ, بارلىق جاعدايى جاسالسا, باسسەيندە بٸر اۋىسىمدا 32 ادام جٷزۋ سپورتىمەن ماشىقتانا الادى.
وسىدان سوڭ, بۇل كٷنٸ سپورتتىڭ ۆولەيبول, باسكەتبول, فۋتبول, تەننيس تٷرلەرٸ مەن سپورت زالدارىنا ارنالعان اشىق الاڭشالار پايدالانۋعا بەرٸلدٸ.
جالپى بٷگٸنگٸ تاڭدا بەيدٸبەك اۋدانىندا بالالار مەن جاسٶسپٸرٸمدەر سپورت مەكتەبٸ جۇمىس ٸستەيدٸ. وندا سپورتتىڭ 10 تٷرٸنەن ۆولەيبول, باسكەتبول, فۋتبول, ٷستەل تەننيسٸ, توعىزقۇمالاق, بوكس, قازاق كٷرەسٸ, دزيۋدو, گرەك-ريم, ەركٸن كٷرەس بٶلٸمدەرٸ بولاشاق چەمپيونداردى جاتتىقتىرۋدا. سپورت مەكتەبٸندە قازٸرگٸ تاڭدا 84 باپكەر 157 توپتا 1810 وقۋشىمەن جاتتىعۋ جۇمىستارىن جٷرگٸزەدٸ. جىل باسىنان بەرٸ اۋداندا 97 سپورتتىق ٸس-شارا ۇيىمداستىرىلىپ, 9 مىڭعا جۋىق اۋدان تۇرعىنى قاتىسقان.
وبلىستان بارعان جۇمىسشى توپ اۋدانعا ساپارى اياسىندا بەيدٸبەك قاراشاۇلى ەسكەرتكٸشٸنە گٷل قويۋ رەسٸمٸن ٶتكٸزدٸ.
وسىدان سوڭ, بەيدٸبەك اۋدانىنان شىققان ەلٸمٸزگە بەلگٸلٸ ازاماتتاردىڭ باسىن قوسقان «شەجٸرەلٸ شايان, بەرەكەلٸ بەيدٸبەك» فورۋمى ٶتتٸ. وندا تاريحقا باي اۋداننىڭ ٶتكەنٸ مەن كەلەشەگٸ تۋرالى باياندامالار وقىلىپ, بەيدٸبەكتٸڭ ەلەۋمەتتٸك-ەكونوميكالىق دامۋىنا ٷلەس قوسقان بٸرقاتار ازاماتتار ماراپاتتالدى.
