Báidibek aýdany kúre joldardy jóndeýdi qolǵa aldy
Atap aitqanda aýdanyndaǵy 23 nysan - 230 shaqyrym jol men 1 kópirdiń qurylys-jóndeý jumystaryna biýdjetten qarjy bólinse, birshama teńge 6 nysan nemese 33 shaqyrym jol men 4 kópirdiń qurylys-jóndeý jumystaryn júrgizý úshin jobalaý-smetalyq qujattama ázirleýge qaralady. Onyń ishinde, iri jobalarǵa toqtalsaq, Báidibek aýdanynda 2018-2020 jyldary shamamen 3,5 milliard teńgege 30 shaqyrymdy quraityn bir iri jobanyń qurylys-jóndeý jumystaryn júrgizý josparlanǵan. Atalǵan joba aiasynda Shaldar, Jambyl jáne Shaian eldi mekenderinen ótetin oblystyq mańyzy bar KH-2 avtomobil jolyna kúrdeli jóndeý jumystary júrgiziledi. Sonymen qatar, 2017-2018 jj. uzyndyǵy 164,2 shaqyrymdy quraityn úsh nysannyń ortasha jóndeý jumystary atqarylýda. Atalǵan jobalardyń jóndeý jumystary Shaian, Qazata, Aǵybet, Shaqpaq, Keńestóbe, Jaryqbas, Almaly, Aqtas, Jylandy Boraldai, Aqbastaý jáne Birlik eldi mekenderinen ótedi.
Osylaisha aýyl turǵyndary baǵdarlamanyń shapaǵatyn kórmek.
