Onyń aitýynsha, Elbasy, partiia Tóraǵasy Nursultan Nazarbaevtyń tapsyrmasymen qyrkúiekten bastap barlyq deńgeidegi máslihattardaǵy «Nur Otan» fraktsiiasynyń depýtattaryn keshendi túrde baǵalaý boiynsha elektrondy platforma alǵash ret pilottyq rejimde iske qosyldy.
Buǵan deiin úlken daiyndyq jumysy júrgizilgen. Depýtattar reitingisin qalyptastyrý erejesi ázirlenip, ol Saiasi keńes Biýrosynyń sheshimimen bekitildi, aqparattyq júie jasaldy, derekter bazasy tsirflandyrylǵan.
Reitingti endirý bileýshi partiiadan sailanǵan depýtattardyń qyzmetin jandandyrýǵa, halyqpen keri bailanysty kúsheitýge jáne jergilikti jerlerde sailaýaldy ýádelerdiń iske asyrylý tiimdiligin arttyrýǵa júieli serpin bergenin aitqan Baýyrjan Baibek, 217 sailaýaldy baǵdarlamaǵa qoǵamdyq-partiialyq monitoring júrgizýge 2,7 myń depýtat derbes jaýap beretinin eske saldy.
– Elbasy, partiia Lideri N.Á. Nazarbaev atap ótkendei, «búginde qoǵamnyń depýtattarǵa qoiatyn talaby erekshe: olar azamattardyń múddesi men erkin qorǵap, qoǵam men memleket arasyndaǵy «kópir» bolýy tiis». Sondyqtan aimaqtarǵa sapar aiasynda óńirlik sailaýaldy baǵdarlamalardyń oryndalý jáne reiting júiesin endirý barysyn talqylaý úshin «Nur Otan» depýtattarymen toptyq jinalystar ótkizdim. Óńirlerden túsken usynystardy eskere otyryp, reitingti jetildirý boiynsha ózgerister paketi ázirlendi. Búgin «Nur Otan»-nyń Saiasi keńesi Biýrosynyń sheshimimen pysyqtalǵan Ereje bekitildi, – dedi ol.
Partiia Tóraǵasynyń birinshi orynbasary atap ótkendei, endi reiting «Nur Otan» depýtattaryn, máslihattardaǵy hatshylar men fraktsiialar basshylaryn qyzmetiniń aiqyndyǵy men eseptiligine baǵyttalǵan media belsendilikke jáne jumystyń túpkilikti nátijelerine baǵdarlaidy.
– Kelesi jyldyń aqpan aiynan bastap nurotandyq depýtattardyń reitingisi jariia formatta júrgiziledi. Kez kelgen adam qalaýynsha naqty ýaqyt rejiminde halyq qalaýlylarynyń jumysymen tanysyp, ózekti máselelerdi sheshý úshin suraqtar qoiyp, jaýap ala alady. Bul qadam Memleket basshysy Q.K. Toqaevtyń «Halyq únine qulaq asatyn memleket» tujyrymdamasyn naqty iske asyrýǵa jáne memlekettik júieniń ary qaraiǵy ashyqtyǵy men jariialylyǵy baǵdaryna jol ashatyn bolady, – dep túiindedi Baýyrjan Baibek.
