Baıan Alagózova 40 jastan asqan áıelderge ózin jas sezinýge keńes berdi. Sonymen qatar ózin synaıtyn jeli qoldanýshylaryna jaýap berdi, dep habarlaıdy Stan.kz.



Prodúserdiń aıtýynsha, qazirgi ýaqytta adamnyń jastyǵy  45-46 jasta ǵana shegine jetedi eken.

– Taıaýda zamanaýı psıhologıadan qazirgi ýaqytta jastyqtyń 45-46 jasta shegine jetetinin, osydan keıin adamnyń aqyryndap kemeline jetetinin oqydym. Sondyqtan, dostar, maǵan «Baıan, jasyńa saı bolmaısyń ba, yrbyńdamaı» dep jazýdy doǵaryńyzdar. Meniń jastyǵym áli aıaqtalǵan joq. Al kemeldikke deıin áli ýaqyt bar. Meniń jasymdaǵy barlyq «apalarǵa» berilmeýge jáne ózińdi emosıonaldy turǵyda jas qyz sıaqty sezinýge keńes beremin. Men sıaqty, – dep jazdy Alagózova Instagram-paraqshasynda.

Prodúserdiń atalǵan jazbasy jeli qoldanýshylarynyń qyzý talqysyna tústi. Dese de pikir qaldyrýshylardyń deni Baıandy qoldaıtyndaryn jáne adamnyń ózin jas sezinýi kerek ekenin aıtyp jatty.