Almaty oblystyq IID málimetinshe, Baian Esentaeva búgin, 10 maýsymda Almaty oblysyndaǵy Qulja tas jolynyń boiynda soqqyǵa jyǵylǵan. Bul derekke bailanysty QR Qylmystyq kodeksiniń 106-baby boiynsha ("Densaýlyqqa qasaqana aýyr ziian keltirý") sotqa deiingi tergeý júrip jatyr. Kúdikti retinde onyń kúieýi tirkelgen. Oǵan qatysty bultartpaý sharasyn tańdaý máselesi sheshilip jatyr.
Al "Vremia" gazetiniń málimetinshe, oqiǵa 12.15-te benzin quiý beketiniń aldynda adamdardyń kózinshe bolǵan. Aldyn ala boljam boiynsha, er adam Baian Esentaevany qatty uryp-soǵyp, ishine pyshaq salǵan. Kýágerler oqiǵa ornyna jedel járdem men politsiiany shaqyrǵan. Esentaeva aýrýhanaǵa jetkizilip, dereý ota jasalypty. Aýrýhanada jasalǵan jazbaǵa qaraǵanda, prodiýser pyshaq jaraqatyn, bassúiek mi jaraqatyn alǵan jáne murny synǵan. Ustalǵan er adam Talǵar aýdandyq ishki ister basqarmasyna jetkizilgen. Gazettiń derekkóziniń málimetinshe, Baian Esentaeva pyshaq jaraqatyn alyp, kóp qan joǵaltqan, alaida onyń ómirine esh qaýip joq eken. Qazirgi ýaqytta ol jansaqtaý bóliminde jatyr.
Derekkóz: kaz.tengrinews.kz
