الماتى وبلىستىق ءىىد مالىمەتىنشە، بايان ەسەنتايەۆا بۇگىن، 10 ماۋسىمدا الماتى وبلىسىنداعى قۇلجا تاس جولىنىڭ بويىندا سوققىعا جىعىلعان. بۇل دەرەككە بايلانىستى ق ر قىلمىستىق كودەكسىنىڭ 106-بابى بويىنشا ("دەنساۋلىققا قاساقانا اۋىر زيان كەلتiرۋ") سوتقا دەيىنگى تەرگەۋ ءجۇرىپ جاتىر. كۇدىكتى رەتىندە ونىڭ كۇيەۋى تىركەلگەن. وعان قاتىستى بۇلتارتپاۋ شاراسىن تاڭداۋ ماسەلەسى شەشىلىپ جاتىر.
ال "ۆرەميا" گازەتىنىڭ مالىمەتىنشە، وقيعا 12.15-تە بەنزين قۇيۋ بەكەتىنىڭ الدىندا ادامداردىڭ كوزىنشە بولعان. الدىن الا بولجام بويىنشا، ەر ادام بايان ەسەنتايەۆانى قاتتى ۇرىپ-سوعىپ، ىشىنە پىشاق سالعان. كۋاگەرلەر وقيعا ورنىنا جەدەل جاردەم مەن پوليسيانى شاقىرعان. ەسەنتايەۆا اۋرۋحاناعا جەتكىزىلىپ، دەرەۋ وتا جاسالىپتى. اۋرۋحانادا جاسالعان جازباعا قاراعاندا، پروديۋسەر پىشاق جاراقاتىن، باسسۇيەك مي جاراقاتىن العان جانە مۇرنى سىنعان. ۇستالعان ەر ادام تالعار اۋداندىق ىشكى ىستەر باسقارماسىنا جەتكىزىلگەن. گازەتتىڭ دەرەككوزىنىڭ مالىمەتىنشە، بايان ەسەنتايەۆا پىشاق جاراقاتىن الىپ، كوپ قان جوعالتقان، الايدا ونىڭ ومىرىنە ەش ءقاۋىپ جوق ەكەن. قازىرگى ۋاقىتتا ول جانساقتاۋ بولىمىندە جاتىر.
دەرەككوز: kaz.tengrinews.kz
