Baian Esentaeva jumysqa kirisýge ázir ekendigin aitty
Bul týraly Stan.kz habarlaidy.
Frantsiiada emdelip, jýyrda elge oralǵan Baian Maqsatqyzynyń densaýlyǵy jaqsaryp keledi. Onyń taǵy bir dáleli – prodiýserdiń búgin jariialaǵan jańa sýreti.
«Alty kilometrdi eńserdim. Jaraisyń, Baian Maqsatqyzy», – dep jazdy Esentaeva óziniń instagramdaǵy paraqshasynda.
Súiikti prodiýserleriniń ár jariialanymyn taǵatsyzdana kútetin oqyrmandary bul joly Baian Maqsatqyzyna úshin ózara urysty.
Jeli qoldanýshylary belgisiz bireýdiń pikirine qarsy turyp, daýlasty. Túsiniksiz esimmen tirkelgen qoldanýshy Esentaevany synady.
https://www.instagram.com/p/BJm_1w4AQCy/?taken-by=bayanyessentayeva_
«Sýret jariialaýdan uialmaidy eken! Onyń ornynda bolsam mynadai masqaralyqtan keiin bir jylǵa deiin eshkimniń kózine kórinbes edim. Kúieýi uryp-soqty, al ol munda sulýlyǵyn pash etýde. Eshteńe bolmaǵandai keiip tanytýyńyz sumdyq emes pe? Uiattan jurdai ekensiz. Masqara!» – dep pikir bildirgen ol.
«Tek qana alǵa! Adam búgingi kúnmen ómir súrýi kerek», «Ondai jaǵdaiǵa ushyrasa tórt qabyrǵaǵa qamalyp otyrýy kerek pe?», «Bile bilseńiz, Keńestik kezeńde árbir ekinshi kúieý áielin uryp-soqqan. Uiatty isti kúieýi jasady, Baian uialatyndai eshteńe jasaǵan joq», «Ol bar bolǵany óz ómirin qalypqa keltirýge tyrysyp jatyr», «Urlyq jasaǵan joq, adam óltirgen joq, siz óz isińizben ainalysyńyz», – dep jeli qoldanýshylary Esentaevany belgisiz jannan qorǵady.
Esterińizge sala ketsek, maýsymnyń 10-y kúni Baian Esentaevany kúieýi soqqyǵa jyǵyp, úsh jerinen pyshaqtaǵan bolatyn. Artynsha prodiýserge 3 saǵat boiy ota jasalyp,kúieýi Baqytbek Esentaev qamaýǵa alynǵan. Qaiǵyly oqiǵa Talǵar aýdanyn trassasynda bolǵan. Prodiýser maýsymnyń 19-y kúni aýrýhanadan shyǵaryldy.
Qazir Baqytbek Esentaev tergeý izoliatorynda. Onyń áreketine qatysty sotqa deiingi tekserý jumystary bastalyp ketken. Oǵan “Óltirýge árekettendi” degen qylmystyq kodekstiń baby negizinde aiyp taǵylýda. 3 tamyz kúni Baian Esentaevanyń kúieýiniń qamaýda ustaý merzimi taǵy bir aiǵa uzartylǵan edi.
https://www.instagram.com/p/BJpq-spgeSv/?taken-by=bayanyessentayeva_
