Oral qalasynda qaitarylǵan aktivter qarajaty esebinen salynǵan daryndy balalarǵa arnalǵan oblystyq mamandandyrylǵan №8 mektep-litseii saltanatty túrde ashyldy, - dep habarlaidy Dalanews.kz.
Ol 1952 jyly salynǵan apat jaǵdaiyndaǵy mekteptiń ornyna salyndy.
"Joba Memleket basshysynyń tapsyrmasyna sáikes bilim berý jaǵdaiyn jaqsartý jáne sapaly bilimniń barshaǵa birdei qoljetimdi bolýyn qamtamasyz etý maqsatynda júzege asyryldy", - dep jazylǵan habarlamada.
Buǵan deiin Úkimet Arnaýly memlekettik qordan mektep qurylysyna 2,8 mlrd teńge bólgen edi.
Jańa ǵimarat 400 oqýshyǵa shaqtap salynǵan.
«2025 jyly zamanaýi talaptarǵa sai, kópqabatty 400 oryndyq ǵimarat qoldanysqa berildi. Bul oqýshylarymyz ben ata-analarymyz jáne ujym úshin úlken qýanysh. El Prezidentine erekshe rizashylyǵymyzdy bildiremiz», - dedi №8 mamandandyrylǵan mektep-litseiiniń direktory Alima Saýrova.
Jańa mektep zamanýi talaptarǵa sai.
«Búgin bizder úshin óte qýanyshty kún. Mektebimizdiń esigi aiqara ashyldy. Bilim ordasy zamanýi talaptarǵa sai, barlyq qural jabdyqtarmen qamtylǵan. Osyndai jaǵdai jasaǵan Memleket basshysy Qasym-Jomart Toqaevqa ata-analardyń atynan alǵysymyzdy bildiremiz», - dedi turǵyndardyń biri Anar Býrasheva.
