Memleket basshysy Qaýipsizdik keńesi apparatynyń keńesin ótkizdi, dep habarlaidy dalanews.kz.
Prezident, Qaýipsizdik keńesiniń tóraǵasy Qasym-Jomart Toqaev derbes memlekettik organ retinde qurylǵan Qaýipsizdik keńesi apparatynyń alǵashqy keńesin ótkizdi. Memleket basshysy apparattyń jańa mártebesin memlekettik institýttardy reformalaý úderisimen sabaqtastyra qarastyrý qajet ekenin atap ótti. Álemdik ahýal qubylyp turǵan kezeńde Qaýipsizdik keńesi asa mańyzdy máseleler boiynsha naqty ári jan-jaqty saralanǵan sheshimder qabyldaityn ortalyqqa ainalýǵa tiis. Qasym-Jomart Toqaev qazirgi syn-qaterlerdiń sipaty edáýir ózgergenine nazar aýdardy.
Osy oraida kiberqaýipsizdikti qamtamasyz etýge jáne jasandy intellektini qoldanýǵa basa mán berildi. Qaýipsizdik keńesiniń tóraǵasy aldaǵy ýaqytta ózektiligi arta túsetin aqparat, tehnologiia, azyq-túlik, sý jáne energetika qaýipsizdigi máselelerine erekshe toqtaldy.
Prezident osy salalardaǵy basymdyqtardy belgilep, "Zań men tártip" qaǵidatyn negizgi baǵdar retinde atady. Keńes qorytyndysy boiynsha apparatqa birqatar naqty mindetter júkteldi.
Qazaqstannyń ulttyq múddesin, egemendigi men turaqtylyǵyn qorǵaý Qaýipsizdik keńesi jumysynyń tiimdiligin aiqyndaityn basty ólshem bolýǵa tiis.
