Basqosýda saýda, aýyl sharýashylyǵy, veterinariia, fitosanitarlyq jáne transshekaralyq ózenderinen sý bólý máseleleri boiynsha túrli máseleler kún tártibine kóterilip, jan-jaqty saralandy. Jiynda oblys ákimi Kárim Kókirekbaev eki jaqty ekonomikalyq qarym-qatynasty ári qarai damytý boiynsha sóz sóiledi.
– Kórshiles elderdiń arasyndaǵy qarym-qatynas – ózekti máselelerdiń biri. Ásirese, qazirgi álemdik daǵdarys kezeńinde kórshi baýyrlarmen túiini tarqatylmaǵan ortaq máseleni birlesip sheshken mańyzdy. Búgingi jiynda da kóteriletin máseleler ekijaqty birlesip sheshýdi qajet etedi dep oilaimyn. Byltyrǵy jyly aýa-raiynyń qolaily, jaýynnyń mol bolýyna jáne diqandardyń ýaqtyly ónimderdi sýarýyna bailanysty, oblysymyzdyń agroqurylymdary joǵary ónim aldy. Bul jerde qyrǵyz áriptesterimizge transshekaralyq ózender arqyly ýaqtyly jáne kerekti kólemde sý berýdi uiymdastyrǵandaryńyzǵa rahmet aitqym keledi. Keibir sharýashylyqtar sýarmaly jerlerinen dándi daqyldardy gektarynan 55 tsentnerge deiin ónim aldy.
Negizi sýarý maýsymynda oblysymyzǵa 2,8-3,0 mlrd. tekshe metr sý qajet. Onyń 80 paizy kórshiles Qyrǵyz Respýlikasynda qalyptasady. Sondyqtan, 2017 jyldyń sýarý maýsymyn da, byltyrǵy jyly siiaqty, qolaily jaǵdaida ótkizý jáne 173 myń gektar sýarmaly alqaptardy sýmen qamtý sharalaryn ekiara birlesip, uiymdastyrýǵa tolyq múmkinshiligimiz bar dep esepteimin,
– degen oblys ákimi Qyrǵyz aǵaiyndarmen eki jaqty ekonomikalyq qarym qatynasty damytý boiynsha óz usynystaryn da jetkizdi.
Jiyn sońynda eki jaqty dostyq qarym-qatynastardy bekitý, saýda-ekonomikalyq yntymaqtastyq is-sharalardy iske asyrý jóninde birqatar memorandýmdarǵa qol qoiyldy.
Ózderińizge málim, 2016 jyly Jambyl oblysy ákimdigi jáne Qyrǵyz Respýblikasynyń tiisti oblystarymen saýda-sattyq, aýyl sharýashylyǵy, veterinariia jáne transshekaralyq ózenderinen sý bólý máseleleri boiynsha memorandýmdar qabyldanyp, iske asyrý jumystary júrgizilgen bolatyn. Ústimizdegi jyldyń naýryz aiynda oblys ortalyǵy Tarazda Qyrǵyz Respýblikasy Talas oblysynyń aýyl sharýashylyǵy taýar óndirýshileriniń qatysýymen aýyl sharýashylyǵy jármeńkesi, mádeni is sharalar ótkizildi. Osy baǵytta jumystar áli de jalǵasatyn bolady.
Dáýlet Tólendiuly
Jambyl oblysy
