Batys Qazaqstanda býhgalter 7 mıllıon jymqyryp, ony qumar oıynǵa jumsap tastaǵan, - dep habarlaıdy Dalanews.kz

Qaratóbe aýdandyq soty memlekettik mekemeniń qarajatyn jymqyrǵan esepshige úkim shyǵardy.

Sottyń úkimine sáıkes ol 3 jyl 6 aı merzimge bas bostandyǵynan jáne sol merzimge býhgalterlik qyzmetpen aınalysý quqyǵynan aıyryldy.

Batys Qazaqstan oblysynyń Qaratóbe aýdandyq prokýratýrasymen esepshiniń mekeme basshysynyń elektrondyq sıfrlyq qoltańbasyn zańsyz qoldanyp, 7 mln teńgege jýyq qarajatty jymqyrǵany anyqtaldy.

Osy derek boıynsha aýdan prokýratýrasy Qylmystyq kodekstiń 189-babynyń 3-bóligi 1-tarmaǵymen (ózine senip tapsyrylǵan múlikti iri mólsherde jymqyrý jáne talan-tarajǵa salý) sotqa deıingi tergep-tekserýdi bastaǵan.

Kelgen shyǵynnyń 1 mln astamyn ǵana qaıtarǵan sottalýshy sot prosesinde jymqyrǵan qarajatty qumar oıyndarǵa jaratqanyn aıtty.

Úkim zańdy kúshine engen joq.