باتىس قازاقستاندا بۋحگالتەر 7 ميلليون جىمقىرىپ، ونى قۇمار ويىنعا جۇمساپ تاستاعان، - دەپ حابارلايدى Dalanews.kz
قاراتوبە اۋداندىق سوتى مەملەكەتتىك مەكەمەنىڭ قاراجاتىن جىمقىرعان ەسەپشىگە ۇكىم شىعاردى.
سوتتىڭ ۇكىمىنە سايكەس ول 3 جىل 6 اي مەرزىمگە باس بوستاندىعىنان جانە سول مەرزىمگە بۋحگالتەرلىك قىزمەتپەن اينالىسۋ قۇقىعىنان ايىرىلدى.
باتىس قازاقستان وبلىسىنىڭ قاراتوبە اۋداندىق پروكۋراتۋراسىمەن ەسەپشىنىڭ مەكەمە باسشىسىنىڭ ەلەكتروندىق سيفرلىق قولتاڭباسىن زاڭسىز قولدانىپ، 7 ملن تەڭگەگە جۋىق قاراجاتتى جىمقىرعانى انىقتالدى.
وسى دەرەك بويىنشا اۋدان پروكۋراتۋراسى قىلمىستىق كودەكستىڭ 189-بابىنىڭ 3-بولىگى 1-تارماعىمەن (وزىنە سەنىپ تاپسىرىلعان مۇلىكتى ءىرى مولشەردە جىمقىرۋ جانە تالان-تاراجعا سالۋ) سوتقا دەيىنگى تەرگەپ-تەكسەرۋدى باستاعان.
كەلگەن شىعىننىڭ 1 ملن استامىن عانا قايتارعان سوتتالۋشى سوت پروسەسىندە جىمقىرعان قاراجاتتى قۇمار ويىندارعا جاراتقانىن ايتتى.
ۇكىم زاڭدى كۇشىنە ەنگەن جوق.
