Jańa jyldyq merekege oblystyń ár óńirinen oqý ozattary, az qamtylǵan otbasyndaǵy búldirshinder men múgedek balalar, kópbalaly januiadan shyqqan jasóspirimder qatysty. Atalǵan is-sharaǵa jalpy sany 200 bala qatysty.
Oblys ákimi Nariman Tóreǵaliev balalardy Memleket basshysy Qasym-Jomart Kemeluly Toqaevtyń atynan Jańa jyl merekesimen quttyqtady.
– Qasym-Jomart Kemeluly balanyń kúlkisi men baqytynan artyq eshteńe joq ekenin, sender sekildi jas qazaqstandyqtardyń jan-jaqty damýyna qolaily jaǵdai jasaý memleketimizdiń basty mindetteriniń biri ekenin atap ótti.
Iaǵni, balalar men jasóspirimder úshin jaily balabaqshalar, zamanaýi mektepter salyp, innovatsiialyq ortalyqtar, oqýshylar sarailary jáne sport keshenderi ashylýda. Aldaǵy ýaqytta da kóptegen jańa jobalar qolǵa alynady. Árbir balanyń talabyn ushtap, darynyn ashýdy kózdeitin túrli is-sharalar jalǵasyn tabady, – dedi oblys basshysy.
Budan keiin oblys ákimi QR Prezidentiniń atynan balalarǵa syilyqtar tabystady.
Oblystyń ár óńirinen jinalǵan oqýshylar men jasóspirimderge teatrlandyrylǵan qoiylymdar, tsirk ónerpazdarynyń baǵdarlamalary men horeografiialyq kompozitsiialar kórsetilip, sońynan búldirshinder oblys ákimimen estelik sýretke tústi.
