جاڭا جىلدىق مەرەكەگە وبلىستىڭ ءار وڭىرىنەن وقۋ وزاتتارى، از قامتىلعان وتباسىنداعى بۇلدىرشىندەر مەن مۇگەدەك بالالار، كوپبالالى جانۇيادان شىققان جاسوسپىرىمدەر قاتىستى. اتالعان ءىس-شاراعا جالپى سانى 200 بالا قاتىستى.
وبلىس اكىمى ناريمان تورەعالييەۆ بالالاردى مەملەكەت باسشىسى قاسىم-جومارت كەمەل ۇلى توقايەۆتىڭ اتىنان جاڭا جىل مەرەكەسىمەن قۇتتىقتادى.
– قاسىم-جومارت كەمەل ۇلى بالانىڭ كۇلكىسى مەن باقىتىنان ارتىق ەشتەڭە جوق ەكەنىن، سەندەر سەكىلدى جاس قازاقستاندىقتاردىڭ جان-جاقتى دامۋىنا قولايلى جاعداي جاساۋ مەملەكەتىمىزدىڭ باستى مىندەتتەرىنىڭ ءبىرى ەكەنىن اتاپ ءوتتى.
ياعني، بالالار مەن جاسوسپىرىمدەر ءۇشىن جايلى بالاباقشالار، زاماناۋي مەكتەپتەر سالىپ، يننوۆاسيالىق ورتالىقتار، وقۋشىلار سارايلارى جانە سپورت كەشەندەرى اشىلۋدا. الداعى ۋاقىتتا دا كوپتەگەن جاڭا جوبالار قولعا الىنادى. ءاربىر بالانىڭ تالابىن ۇشتاپ، دارىنىن اشۋدى كوزدەيتىن ءتۇرلى ءىس-شارالار جالعاسىن تابادى، – دەدى وبلىس باسشىسى.
بۇدان كەيىن وبلىس اكىمى ق ر پرەزيدەنتىنىڭ اتىنان بالالارعا سىيلىقتار تابىستادى.
وبلىستىڭ ءار وڭىرىنەن جينالعان وقۋشىلار مەن جاسوسپىرىمدەرگە تەاترلاندىرىلعان قويىلىمدار، سيرك ونەرپازدارىنىڭ باعدارلامالارى مەن حورەوگرافيالىق كومپوزيسيالار كورسەتىلىپ، سوڭىنان بۇلدىرشىندەر وبلىس اكىمىمەن ەستەلىك سۋرەتكە ءتۇستى.
