Batys Qazaqstanda alaıaq turǵyndardy joǵary tabys tabýǵa ýáde berip, olardy joq kásipke aqsha aýdartyp, 200 mln teńge kóleminde shyǵyn keltirdi, dep habarlaıdy Dalanews.kz.

BQO polısıa departamenti krımınaldyq polısıa basqarmasynyń qyzmetkerleri Túrkistan oblysynyń 32 jastaǵy turǵynyn ustady. Aldanǵan turǵyndar alaıaqpen áleýmettik jeli arqyly tanysqan. Jábirlenýshilerdiń biri oǵan eki páterdiń aqshasyn aýdarǵan.

"Alaıaq áıelge joǵary tabys tabasyń dep ýáde berip, qarjy salýdy usynǵan. Áıel oǵan eki páterdi satýdan túsken aqshasyn qosyp bergen. Keltirilgen zalal 77 mln teńgeden asqan", – dep habarlady polısıa.

Sonymen qatar alaıaqtyń qurbandaryna týysqandary men tanystary da qosylǵan. Qazirgi ýaqytta alaıaqtyqtyń alty epızody boıynsha tergeý júrgizilýde. Kúdikti qarjyny óz muqtajdyǵyna jumsap, býkmekerlik keńselerde bás tigip, utylǵan.