Batys Qazaqstan oblysyndaǵy sý tasqynynan zardap shekken turǵyndarǵa kómek kórsetý maqsatynda «BQO Azamattyq Alians» bastamasymen gýmanitarlyq kómek jinaý shtaby ashyldy.
Búgingi tańda ashylǵan Gýmanitarlyq kómek jinaý ortalyǵy Oral qalasy aqparattyq tehnologiialar kolledjinde Karimýllin kóshesi, 2/1A meken jaiy boiynsha jumys isteidi.
Qazirgi tańda gýmanitarlyq kómek tótenshe jaǵdai jariialanǵan Oral qalasy, Syrym, Kaztalov, Qaratóbe, Terekti, Bórli aýdandaryna jetkizildi. Kómek kórsetý shtaby tarapynan oblys boiynsha qurylǵan
27 evakopýnktterdiń qajetteligi esepteledi. Zardap shekken urǵyndarǵa ne qajet ekenin anyqtaý maqsatynda arnaiy instagram paraqshasy men CALL-tsentr ashyldy.
Qazirgi tańda el halqy tabiǵi apattan zardap shekken otandastaryna jan-jaqty qoldaý kórsetip, aýyzbirshilik tanytýda. Tipti baýyrlas qyrǵyz eliniń halqy da qiyn kezde kómek qolyn sozýǵa ázir ekenin kórsetti. Sý tasqynyna bailanysty qiyn jaǵdaiǵa tap bolǵan jerlesterimizge alǵashqy gýmanitarlyq kómek kórsetýge baǵyttalǵan igi bastamany óńirimizge belgili kásipkerler, iri kompaniialar, qala turǵyndary qoldaýda. Sonymen qatar, partiia músheleri, oblystyq maslihat depýtattary, etno-mádeni birlestik, qoǵamdyq uiymdar, jastar resýrstyq ortalyqtarynyń ókilderi atsalysýda.
Tilsiz jaýdan japa shekkenderge kómek kórsetý isine óńirimizderdegi «Sun City», «Petro-Unit» siiaqty iri kompaniialar, «Salut Orto KZ», «InvestProdjekt» JShS-teri, «Oral sút zaýyty», «Sýleimenova» JK, «SBS Grup», «Otdel stroi» kompaniiasy, «ART STROY SERVİS 07», «Salut Orto KZ» JShSlar, «Elion» tis emhanasy, «JelaevNAN», «Faberlic» kompaniiasy men jergilikti kásipkerler de shet qalyp jatqan joq.
«Biz BIRGEMIZ» qaiyrymdylyq qory qaiyq, matras, motopompa jáne azyq-túlik kómegin jiberdi. «ASAR UME» qaiyrymdylyq qorynyń kúshimen Qaratóbe, Bórli, Kaztalov, Syrym aýdandaryna motorly qaiyq, rezeńke etik, motopompa alyndy. Sondai-aq aýdandardaǵy kásipkerler, oblys volonterleri, sportshylar, taksi jáne gazel júrgizýshileri kómektesýde.
Qaratóbe aýdany kásipkerleri, Batys Qazaqstan oblysynyń volonterleri, sportshylary, men gazel júrgizýshileri, oblystyq «AMANAT» partiiasyn, Qazaqstan halqy Assambleiasy ókilderi, «Qazaq analary – Dástúrge jol» QB filialy, «Tarihi shejire» respýblikalyq uiymy jáne t.b.
Jalpy, sý tasqyny bastalǵan sátten bastap zardap shekken halyqqa 256 tonna gýmanitarlyq kómek kórsetildi, onyń ishinde 230 tonna azyq-túlik, 22 tonna azyq-túlik emes taýarlar jáne 4 tonna dári-dármek.
Kesheden bastap Almaty qalasy Jastar saiasaty basqarmasy jibergen 10 tonna gýmanitarlyq kómek «AirAstana» áýe kompaniiasynyń bortymen óńirge jetkizilýde.
Astana, Almaty, Shymkent qalalary men Mańǵystaý oblysynan jáne baýyrlas qyrǵyz eli jiǵan kómek jolda kele jatyr.
Tótenshe jaǵdai departamenti men Qoǵamdyq damý basqarmasy halyqty resmi aqparatpen qamtý maqsatynda arnaiy aqparattyq shtab qurdy. Sońǵy ári shynaiy aqparat jariialanatyn «BatysToday» telegram arnasy ashyldy.
Sý tasqynynan zardap shekkenderge gýmanitarlyq kómek kórsetý jáne túrli qorlarǵa túsken qarjyny bólý jónindegi komissiia quryldy. Komissiia quramyna Qoǵamdyq keńesterdiń ókilderi, oblystyq máslihat depýtattary, saiasi partiialardyń kóshbasshylary, úkimettik emes uiymdardyń, etnomádeni ortalyqtardyń, ýákiletti memlekettik organdardyń jáne t.b. ókilderi engizildi. Keshe komissiianyn birinshi otyrysy ótti.
Qazirgi tańda sý tasqynynan zardap shekkenderge 2 500-den astam volonter belsendi kómek kórsetýde.
A. Tapishev
Batys Qazaqstan oblysynyń Azamattyq Aliansynyń prezidenti
