Qazaqstannyń batys aimaqtarynda jylytý maýsymynyń bastalý merzimderi belgili boldy, dep habarlaidy Dalanews.kz.
Aqtaý
Aqtaýda jylý kezeń-kezeńimen beriledi:
7 qazannan bastap – áleýmettik nysandarǵa;
10 qazannan bastap – turǵyn úilerge.
Qala ákimi Ábilqaiyr Baipaqov úi basqarý organdaryna júgindi.
«Turǵyn úilerdiń daiyndyq aktileri qysqa merzimde berilýi tiis. Qyzmet kórsetýshi uiymdar jumysty kúsheitip, barlyq máseleni 5 qazanǵa deiin aiaqtaýy qajet», – dedi Baipaqov.
Aqtóbe oblysy
Aqtóbe oblysynda áleýmettik nysandarǵa jylý 1 qazannan bastap berildi. Al turǵyn úilerdi 15 qazannan bastap jylytý josparlanǵan.
Atyraý oblysy
Atyraý oblysyndaǵy úilerge jylý 15 qazanda beriledi. Ótken jyly da dál osy kúni bastalǵan bolatyn.
Batys Qazaqstan oblysy
Batys Qazaqstan oblysynda da jylytý maýsymy 15 qazanda bastalady.
Aita keteiik, buǵan deiin jylý Astana, Petropavl, Kókshetaý jáne basqa da qalalardyń úilerine qosylǵan edi.
