"Batyr ana" baspanasynan aiyrylýy múmkin...
Almaty ákiminiń №86/29 sheshimi boiynsha, 1998 jyldyń 20 mamyrynan bastap «Tamsan» jastar odaǵyna 1,92 ga jerdi jeke paidalanýǵa beredi. Sol tusta Seidahmetova Medelhannyń «batyr ana», al joldasy UOS-nyń ardageri ekeni eskerilip, 2000 jyldyń 11 mamyrynda atalǵan aimaqtan № 158 jer telimi beriledi. Qýanyshy qoinyna syimaǵan qariialar ózine berilgen jerge úi tigýdiń qamyna kirisedi. Basynda úi salýǵa qarajaty bolmaǵandyqtan jer telimine kartop egip kún kóredi. Al 2005 jyldan bastap úi salyp, beibereket kún keshedi. Alaida araǵa jyldar salyp, Medelhan apamyzdyń basyna qara bult úiiriletini úsh uiyqtasa da túsine kirmegen. Ol osydan 15 jyl buryn mańdai terimen qol jetkizgen baspanasynan aiyrylýdyń az-aq aldynda tur. Sebep atalǵan jer telimi zań júzinde Medelhan Seidahmetovanyń emes, kórshisi Ibragimova Aigúldiki bolyp shyqqan. Bir qyzyǵy, «Tamsan» odaǵynyń jer telimin bólgen josparynda ol azamtshanyń(Ibragimova Aigúldiń) esimi de joq. Ol az deseńiz, Aigúl hanym, sotqa 2004 jyldyń 12 aqpanynda berilgen № 104 jer telimin rastaityn memlekettik aktini kórsetken. Al ol jer teliminde neshe jyl boiy Medelhan apamyz ómir súrip jatyr. On jyl ýaqyt ótkenimen, Aigúl Ibragimova ol jerde bir márte de boi kórsetpegen.Jerge salyq, basqa da mindetti tólemderdiń birin de tólemegen. Medelhan Seidahmetovanyń týystary kadastrlyq tekserissiz-aq jer telimine berilgen qujattardyń qoldan jasalǵany bilinip-aq tur deidi. Sebebi Aigúl Ibragimovaǵa berilgen jer telimin joq jerden taýyp bergen. Iaǵni oǵan joq jerdiń qujatyn bergen deidi olar. «Sot qujattyń rastyǵy men jer telimin rastaityn ekspertizany jasaýǵa mindetti edi. Sebebi A.Ibragimovaǵa QR jer kodeksiniń 43 babyn buzyp, zańsyz jer bólip bergen. Qazirgi kúni Aigúl Ibragimova ózi turmaq, enesi men anasyna osyndai jer telimderin zańsyz qujattandyryp bergen. Munymen qosa, qazirgi kúni Medelhan apamyzben sottasyp jatyr. Al onyń anasy Elekeeva kórshisimen osyndai jaǵdaimen sottasyp, jerin tartyp aldy»,- deidi Medelhan Seidahmetovanyń jaqyndary. Sotqa júgingen Medelhan hanymnyń shaǵymyn sot qarastyrmaǵan da. Joǵarǵy sot bolsa, jer telimin bólisý úshin sotqa shaǵym bildirý ýaqytynan keshigip qaldy dep túsindiripti.
Qazirgi ýaqytta Ibragimova Aigúldiń turǵyn úii men birneshe jer telimi bar. Al bir aiaǵy jerde, bir aiaǵy kórde turǵan Medelhan apamyz jalǵyz jer telimi úshin sottan sotqa, esikten esikke kirýge májbúr. «Batyr ananyń» sońǵy úmiti Almaty qalasynyń ákimi Baýyrjan Baibek myrzada!
Abzal Súleimen
