"باتىر انا" باسپاناسىنان ايىرىلۋى مٷمكٸن...
الماتى ەكٸمٸنٸڭ №86/29 شەشٸمٸ بويىنشا, 1998 جىلدىڭ 20 مامىرىنان باستاپ «تامسان» جاستار وداعىنا 1,92 گا جەردٸ جەكە پايدالانۋعا بەرەدٸ. سول تۇستا سەيداحمەتوۆا مەدەلحاننىڭ «باتىر انا», ال جولداسى ۇوس-نىڭ ارداگەرٸ ەكەنٸ ەسكەرٸلٸپ, 2000 جىلدىڭ 11 مامىرىندا اتالعان ايماقتان № 158 جەر تەلٸمٸ بەرٸلەدٸ. قۋانىشى قوينىنا سىيماعان قارييالار ٶزٸنە بەرٸلگەن جەرگە ٷي تٸگۋدٸڭ قامىنا كٸرٸسەدٸ. باسىندا ٷي سالۋعا قاراجاتى بولماعاندىقتان جەر تەلٸمٸنە كارتوپ ەگٸپ كٷن كٶرەدٸ. ال 2005 جىلدان باستاپ ٷي سالىپ, بەيبەرەكەت كٷن كەشەدٸ. الايدا اراعا جىلدار سالىپ, مەدەلحان اپامىزدىڭ باسىنا قارا بۇلت ٷيٸرٸلەتٸنٸ ٷش ۇيىقتاسا دا تٷسٸنە كٸرمەگەن. ول وسىدان 15 جىل بۇرىن ماڭداي تەرٸمەن قول جەتكٸزگەن باسپاناسىنان ايىرىلۋدىڭ از-اق الدىندا تۇر. سەبەپ اتالعان جەر تەلٸمٸ زاڭ جٷزٸندە مەدەلحان سەيداحمەتوۆانىڭ ەمەس, كٶرشٸسٸ يبراگيموۆا ايگٷلدٸكٸ بولىپ شىققان. بٸر قىزىعى, «تامسان» وداعىنىڭ جەر تەلٸمٸن بٶلگەن جوسپارىندا ول ازامتشانىڭ(يبراگيموۆا ايگٷلدٸڭ) ەسٸمٸ دە جوق. ول از دەسەڭٸز, ايگٷل حانىم, سوتقا 2004 جىلدىڭ 12 اقپانىندا بەرٸلگەن № 104 جەر تەلٸمٸن راستايتىن مەملەكەتتٸك اكتٸنٸ كٶرسەتكەن. ال ول جەر تەلٸمٸندە نەشە جىل بويى مەدەلحان اپامىز ٶمٸر سٷرٸپ جاتىر. ون جىل ۋاقىت ٶتكەنٸمەن, ايگٷل يبراگيموۆا ول جەردە بٸر مەرتە دە بوي كٶرسەتپەگەن.جەرگە سالىق, باسقا دا مٸندەتتٸ تٶلەمدەردٸڭ بٸرٸن دە تٶلەمەگەن. مەدەلحان سەيداحمەتوۆانىڭ تۋىستارى كاداسترلىق تەكسەرٸسسٸز-اق جەر تەلٸمٸنە بەرٸلگەن قۇجاتتاردىڭ قولدان جاسالعانى بٸلٸنٸپ-اق تۇر دەيدٸ. سەبەبٸ ايگٷل يبراگيموۆاعا بەرٸلگەن جەر تەلٸمٸن جوق جەردەن تاۋىپ بەرگەن. ياعني وعان جوق جەردٸڭ قۇجاتىن بەرگەن دەيدٸ ولار. «سوت قۇجاتتىڭ راستىعى مەن جەر تەلٸمٸن راستايتىن ەكسپەرتيزانى جاساۋعا مٸندەتتٸ ەدٸ. سەبەبٸ ا.يبراگيموۆاعا قر جەر كودەكسٸنٸڭ 43 بابىن بۇزىپ, زاڭسىز جەر بٶلٸپ بەرگەن. قازٸرگٸ كٷنٸ ايگٷل يبراگيموۆا ٶزٸ تۇرماق, ەنەسٸ مەن اناسىنا وسىنداي جەر تەلٸمدەرٸن زاڭسىز قۇجاتتاندىرىپ بەرگەن. مۇنىمەن قوسا, قازٸرگٸ كٷنٸ مەدەلحان اپامىزبەن سوتتاسىپ جاتىر. ال ونىڭ اناسى ەلەكەەۆا كٶرشٸسٸمەن وسىنداي جاعدايمەن سوتتاسىپ, جەرٸن تارتىپ الدى»,- دەيدٸ مەدەلحان سەيداحمەتوۆانىڭ جاقىندارى. سوتقا جٷگٸنگەن مەدەلحان حانىمنىڭ شاعىمىن سوت قاراستىرماعان دا. جوعارعى سوت بولسا, جەر تەلٸمٸن بٶلٸسۋ ٷشٸن سوتقا شاعىم بٸلدٸرۋ ۋاقىتىنان كەشٸگٸپ قالدى دەپ تٷسٸندٸرٸپتٸ.
قازٸرگٸ ۋاقىتتا يبراگيموۆا ايگٷلدٸڭ تۇرعىن ٷيٸ مەن بٸرنەشە جەر تەلٸمٸ بار. ال بٸر اياعى جەردە, بٸر اياعى كٶردە تۇرعان مەدەلحان اپامىز جالعىز جەر تەلٸمٸ ٷشٸن سوتتان سوتقا, ەسٸكتەن ەسٸككە كٸرۋگە مەجبٷر. «باتىر انانىڭ» سوڭعى ٷمٸتٸ الماتى قالاسىنىڭ ەكٸمٸ باۋىرجان بايبەك مىرزادا!
ابزال سٷلەيمەن
