Qurmetti jetisýlyqtar!
Elimizde engizilgen tótenshe jaǵdaıǵa baılanysty Taldyqorǵan qalasynyń mańynda 4 sanıtarlyq post ornatylyp, sol posttarǵa bizdiń eriktiler belsene kómek kórsetýde. Ystyq tamaq, shaı, basqa da birinshi kezektegi qajettilikterdi jetkizip, alǵy shepten kórindi. Men óz atymnan jáne barsha oblys turǵyndarynyń atynan eriktilerge alǵys aıtamyn.
Biz eń aldymen osy sanıtarlyq posttardyń qoıylý sebebi - indettiń taralýyna jol bermeý ekenin umytpaýymyz kerek. Vırýstyń taralýyn toqtatýǵa ár azamat úles qosyp, qaýipsizdik sharttaryn qatań saqtap, múmkindiginshe artyq qozǵalysty doǵaryp, úıde otyrǵan abzal. 28 naýryzdan bastap Nur-Sultan jáne Almaty qalalarynda karantındik rejım kúsheıtiledi.
Osyǵan oraı biz de osy qaǵıdany basshylyqqa alyp, indetti toqtatýǵa atsalysaıyq! Ózińizdiń jáne jaqyndaryńyzdyń densaýlyǵy úshin úıde bolyńyzdar, qurmetti jetisýlyqtar!
Budan buryn óńirlik selektorlyq rejımde ótken keńes barysynda Batalov “Jumyspen qamtý jol kartasy” baǵdarlamasynyń mańyzdylyǵyn atap ótken:
“Ózderińiz biletindeı, Memleket Basshysy Qasym-Jomart Toqaev 23 naýryzda Tótenshe jaǵdaı jónindegi memlekettik komısıanyń otyrysynda “Jumyspen qamtýdyń Jol kartasyn” júzege asyrý úshin 1 trln.teńge bólýdi tapsyrdy. teńge. Onyń ishinde Almaty oblysyna 109,2 mlrd.teńge bólindi.
Bul bizdiń óńir úshin óte mańyzdy jáne qajetti qarajat. Birinshi kezekte halyqty jumyspen qamtý máselesin sheshý mańyzdy.
Óıtkeni koronavırýsqa baılanysty oblystyń kóptegen turǵyndary jumyssyz qaldy. Olardyń otbasylaryna jaǵdaı jasap, jańa jumys oryndaryn ashý qajet.
Buǵan deıin jumys jasaýǵa osyndaı orasan zor qarajat bólingen joq. Sondyqtan biz olardy bólgende jaýapkershilikpen qaraýymyz kerek. Esepti kezdesý, jeke qabyldaýlar kezinde turǵyndar júgingen oblystyń aýdandary men qalalaryna da qarajat bólemiz.
Turǵyndardyń barlyq ótinishterin taldap, bólingen qarajatqa mańyzdy jáne qajetti jobalardy júzege asyrý qajet. Joldardy jasaý, áleýmettik nysandardy jóndeý jáne t.b., – dep atap ótti A. Batalov.
