قۇرمەتتٸ جەتٸسۋلىقتار!
ەلٸمٸزدە ەنگٸزٸلگەن تٶتەنشە جاعدايعا بايلانىستى تالدىقورعان قالاسىنىڭ ماڭىندا 4 سانيتارلىق پوست ورناتىلىپ, سول پوستتارعا بٸزدٸڭ ەرٸكتٸلەر بەلسەنە كٶمەك كٶرسەتۋدە. ىستىق تاماق, شاي, باسقا دا بٸرٸنشٸ كەزەكتەگٸ قاجەتتٸلٸكتەردٸ جەتكٸزٸپ, العى شەپتەن كٶرٸندٸ. مەن ٶز اتىمنان جəنە بارشا وبلىس تۇرعىندارىنىڭ اتىنان ەرٸكتٸلەرگە العىس ايتامىن.
بٸز ەڭ الدىمەن وسى سانيتارلىق پوستتاردىڭ قويىلۋ سەبەبٸ - ٸندەتتٸڭ تارالۋىنا جول بەرمەۋ ەكەنٸن ۇمىتپاۋىمىز كەرەك. ۆيرۋستىڭ تارالۋىن توقتاتۋعا əر ازامات ٷلەس قوسىپ, قاۋٸپسٸزدٸك شارتتارىن قاتاڭ ساقتاپ, مٷمكٸندٸگٸنشە ارتىق قوزعالىستى دوعارىپ, ٷيدە وتىرعان ابزال. 28 ناۋرىزدان باستاپ نۇر-سۇلتان جەنە الماتى قالالارىندا كارانتيندٸك رەجيم كٷشەيتٸلەدٸ.
وسىعان وراي بٸز دە وسى قاعيدانى باسشىلىققا الىپ, ٸندەتتٸ توقتاتۋعا اتسالىسايىق! ٶزٸڭٸزدٸڭ جəنە جاقىندارىڭىزدىڭ دەنساۋلىعى ٷشٸن ٷيدە بولىڭىزدار, قۇرمەتتٸ جەتٸسۋلىقتار!
بۇدان بۇرىن ٶڭٸرلٸك سەلەكتورلىق رەجيمدە ٶتكەن كەڭەس بارىسىندا باتالوۆ “جۇمىسپەن قامتۋ جول كارتاسى” باعدارلاماسىنىڭ ماڭىزدىلىعىن اتاپ ٶتكەن:
“ٶزدەرٸڭٸز بٸلەتٸندەي, مەملەكەت باسشىسى قاسىم-جومارت توقاەۆ 23 ناۋرىزدا تٶتەنشە جاعداي جٶنٸندەگٸ مەملەكەتتٸك كوميسسييانىڭ وتىرىسىندا “جۇمىسپەن قامتۋدىڭ جول كارتاسىن” جٷزەگە اسىرۋ ٷشٸن 1 ترلن.تەڭگە بٶلۋدٸ تاپسىردى. تەڭگە. ونىڭ ٸشٸندە الماتى وبلىسىنا 109,2 ملرد.تەڭگە بٶلٸندٸ.
بۇل بٸزدٸڭ ٶڭٸر ٷشٸن ٶتە ماڭىزدى جەنە قاجەتتٸ قاراجات. بٸرٸنشٸ كەزەكتە حالىقتى جۇمىسپەن قامتۋ مەسەلەسٸن شەشۋ ماڭىزدى.
ٶيتكەنٸ كوروناۆيرۋسقا بايلانىستى وبلىستىڭ كٶپتەگەن تۇرعىندارى جۇمىسسىز قالدى. ولاردىڭ وتباسىلارىنا جاعداي جاساپ, جاڭا جۇمىس ورىندارىن اشۋ قاجەت.
بۇعان دەيٸن جۇمىس جاساۋعا وسىنداي وراسان زور قاراجات بٶلٸنگەن جوق. سوندىقتان بٸز ولاردى بٶلگەندە جاۋاپكەرشٸلٸكپەن قاراۋىمىز كەرەك. ەسەپتٸ كەزدەسۋ, جەكە قابىلداۋلار كەزٸندە تۇرعىندار جٷگٸنگەن وبلىستىڭ اۋداندارى مەن قالالارىنا دا قاراجات بٶلەمٸز.
تۇرعىنداردىڭ بارلىق ٶتٸنٸشتەرٸن تالداپ, بٶلٸنگەن قاراجاتقا ماڭىزدى جەنە قاجەتتٸ جوبالاردى جٷزەگە اسىرۋ قاجەت. جولداردى جاساۋ, ەلەۋمەتتٸك نىسانداردى جٶندەۋ جەنە ت.ب., – دەپ اتاپ ٶتتٸ ا. باتالوۆ.
