Almaty oblysynyń ákimi Amandyq Batalovtyń tóraǵalyǵymen Elbasynyń qazan aiyndaǵy Joldaýyn talqylaýǵa arnalǵan óńirlik aktiv jiyny ótti. Onyń barysynda Joldaýdy júzege asyrýdaǵy oblystyq atqarýshy organdardyń mindetteri týraly másele qaraldy
A. Batalov Prezidenttiń bul Joldaýy osyǵan deiin júzege asyrylyp jatqan strategiialyq bastamalardyń zańdy jalǵasy ekenin atap ótti.
Ár otbasynyń, árbir adamnyń jaǵdaiyn, tirshilik ortasyn jaqsartýǵa arnalǵan Joldaýdy oryndaýǵa jergilikti atqarýshy organdar búginnen bastap kirisýi kerektigin qadap aitty.
Munan soń Joldaý tapsyrmalaryna orai qai salada qandai mindetter kútip turǵany, qai baǵyttarǵa basymdyq berilýi tiistigi jaiynda oblys ákimi A. Batalov naqty mindetterdi belgilep berdi.
Oblys basshysynyń aitýynsha, Ekonomika jáne biýdjettik josparlaý basqarmasy qysqa merzimde Elbasynyń «Qazaqstandyqtardyń ál-aýqatynyń ósýi: tabys pen turmys sapasyn arttyrý» atty Qazaqstan halqyna Joldaýyn iske asyrý jónindegi is-sharalar josparyn ázirlep, sol jospar basshylyqqa alynatyn bolady.
Biylǵy Joldaýda «Biznestiń jol kartasy-2020» baǵdarlamasyn jyl saiyn somasy 30 mlrd teńgege qosymsha qarjylandyra otyryp, 2025 jylǵa deiin uzartý tapsyrylǵan bolatyn.
Máselen, baǵdarlama bastalǵannan beri oblys kásipkerleri úshin 1219 jobany iske asyrýǵa 30,6 mlrd teńgege qoldaý kórsetilgen, jeti myń segiz júz jumys orny ashylyp, 26 myń jumys orny saqtalǵan.
Sonyń nátijesinde shaǵyn jáne orta biznes sýbektileriniń sany 115 myńnan asyp, jergilikti biýdjettegi úlesi bir jyl ishinde 39 protsenten 53 protsentke ósken, al jalpy óńirlik ónimde jyl sońynda 28 protsentti quraidy.
Elbasy tapsyrmasyna sáikes aktiv jiynynda oblys ákiminiń orynbasary J. Tuiaqovqa, kásipkerlik basqarmasyna óńir kásipkerlerine qoldaý kórsetý maqsatynda qosymsha qarjy alý úshin naqty sharalar qabyldaýdy tapsyryldy.
«Aýyl sharýashylyǵynda oblys jaqsy kórsetkishterge jetip keledi. Qant qyzylshasy, júgeri ósirý, óńdeý isin jolǵa qoidyq.
Alaida biz osy jetistikterimizben toqtap qalmaýymyz kerek. Sondyqtan bir ai ishinde oblystaǵy AÓK damytýdyń óńirlik baǵdarlamasyn ázirlep, bekitip, baǵdarlama ishine 9 basym baǵytty belgileýdi tapsyramyn. Sonyń ishinde, etti-sútti mal sharýashylyǵy, qoi sharýashylyǵy, basymdyq beriletin daqyldar, intensivti baqtar, jylyjai sharýashylyqtary jáne taǵy basqasy bar», - dep atap ótti A. Batalov.
Sonymen qatar bilim berý mekemelerin beinebaqylaýmen qamtamasyz etý, apatty jáne úsh aýysymdy mektepter máselesin sheshýge qatysty da naqty mindetter júkteldi.
Máselen, ishki mingratsiia men demografiialyq ósimniń nátijesinde úsh aýysymda oqytatyn burynnan bar mektepterdiń qataryna ótken jyly 11 mektep qosylsa, biyl taǵy 13-i qosylyp otyr, sóitip olardyń sany qazirgi kezde 34-ti quraidy.
«Oblys ákiminiń birinshi orynbasary L. Turlashov pen tiisti basqarmalarǵa 15 mekteptiń jobalyq-smetalyq qujattaryn daiyndaýdy aiaqtaýdy, jańa 11 úshaýysymdy mekteptiń qujattaryn ázirleýdi tapsyramyn. 11 mekteptiń qujattaryn ázirleýge qajetti qarjyny jýyq arada ótetin biýdjetti naqtylaý kezinde qarastyrýymyz kerek.
Elimizde «7-20-25» baǵdarlamasy bastaldy, alaida bizdi áli kúnge deiin satyp alýshylardyń tolyq pýly qalyptastyrylmaǵan.
Ekinshi deńgeili bankter somasy 849 mln.teńgege 73 ótinim ǵana qabyldaǵan, onyń 53-i maquldanyp, 4 páter berilgen.
Sondai-aq, «Nurly jer» baǵdarlamasy sheńberinde jaldamaly jáne nesielik turǵyn úilerdiń iske qosylýyn ulǵaitý qajet.
Oblys ákiminiń orynbasarlary L. Turlashov pen A.Baijanovqa turǵyn úi salý úshin jeke investorlar tartý máselesin pysyqtaýdy, sondai-aq jeńildetilgen ipoteka boiynsha alǵashqy jarnany ishinara sýbsidiialaý boiynsha usynys engizýdi tapsyramyn», - dedi oblys basshysy.
Oǵan qosa jiyn barysynda:
politsiia qyzmetiniń jumysyn jetildirý;
meditsina salasyn tsifrlandyrý;
biýdjettik qyzmetkerlerdiń jalaqysynyń ósýine bailanysty qajetti qarjyny 2019 jyldyń biýdjetinde qarastyrý;
turǵyn úi-kommýnaldyq sharýashylyq pen tabiǵi monopoliialar qyzmetteri úshin tarifterdiń belgilenýi men jinalǵan qarjyny jumsaýdyń ashyqtyǵyn qamtamasyz etý;
kelesi jyldyń basynan eńbekaqy tóleýdiń jańa modelin engizý;
oblys ekonomikasyna investorlar tartý;
«Nurly jol» jáne «Nurly jer» baǵdarlamalaryn iske asyrý merziminiń 2025 jylǵa deiin uzartylýyna orai eldi mekenderdiń perspektivalyq damý josparlaryn eskere otyryp, qosymsha infraqurylymdyq jobalar tizbesin qurý júkteldi.
Sonymen qatar kelesi jyldyń Jastar jyly bolyp jariialanýyna jáne «Aýyl - El besigi» arnaiy jobasynyń iske qosylýyna bailanysty da mindetter aiqyndaldy.
«Joldaýdy halyq arasynda túsindirý óńirde qurylǵan aqparattyq nasihat toptarynyń jumysy bolsa, naqty iske asyrý - jergilikti atqarýshy organdardyń mindeti.
Sondyqtan oblysta daiyndalǵan jospardyń ár tarmaǵy boiynsha tiisti aimaqtar men salalar basshylary tyńǵylyqty jumys atqarýy tiis jáne bul úshin ár basshy derbes jaýap beredi», - dedi A. Batalov.
Foto: Almaty oblysy ákimdiginiń baspasóz qyzmetinen
