Jiyndy Túrkistan oblysy ákiminiń orynbasary Sáken Qalqamanov júrgizip otyrdy. Kezdesýde el birligin kúsheitý, dinaralyq qarym-qatynastardy nyǵaitý jáne rýhani álemdegi máseleler talqylandy.
Rýhani júzdesýde Qazaqstan musylmandary dini basqarmasynyń Túrkistan oblysy boiynsha ókil imamy Erkebulan Qaraqulov, «Shymkent eparhiiasynyń Túrkistan qalasyndaǵy Sviato-Nikolskii prihody» jergilikti pravoslavielik dini birlestiginiń jetekshisi Vitalii Smolianov jáne basqa da din ókilderi sóz sóiledi.
Oblys ákiminiń orynbasary Sáken Qalqamanov oblystaǵy dini konfessiialardyń ózara yntymaq-birligi men qoǵamdaǵy rólin sóz etti.
– Táýelsiz Qazaqstannyń 30 jyl ishinde qol jetkizgen mańyzdy jetistikteriniń biri – qazirgi zamanǵy qazaq qoǵamynda ultaralyq jáne dinaralyq kelisimge negizdelgen áleýmettik turaqtylyq. Álemdik jáne dástúrli dinder liderleriniń Sezi Elbasynyń bastamasymen Qazaqstannyń astanasy Nur-Sultan qalasynda turaqty ótip júr. Dál qazir elimizdegi din salasyndaǵy máseleler durys sheshimin taýyp qana qoimai, durys baǵytta damyp kele jatyr dep aita alamyz, – dedi ol.
Jiyn sońynda dini konfessiia jetekshilerine merekege orai alǵys hattar men syilyqtar tapsyryldy.
Búginde Túrkistan oblysy aýmaǵynda 6 dini konfessiiaǵa enetin jalpy 784 dini birlestik jumys atqaryp keledi. Olardyń qatarynda islamdyq emes baǵyttaǵy 30 jergilikti dini birlestikter men onyń 2 filialy bar. Sonymen birge islamdyq baǵyttaǵy, iaǵni, QMDB-nyń filialdary bolyp tabylatyn 752 meshit elge qyzmet etip jatyr.
