Joǵary aýditorlyq palata Jambyl oblysynda júrgizilgen memlekettik aýdit qorytyndysyn jariialady, dep habarlaidy Dalanews.kz.
"2020-2024 jyldar aralyǵynda óńirdiń negizgi makroekonomikalyq kórsetkishteri ósken. Alaida Qazaqstannyń jalpy ishki óniminiń jalpy qurylymynda oblystyń úles salmaǵy 2,7%-dan 2,3%-ǵa deiin tómendedi. Biyl 10 aidyń qorytyndysy boiynsha óńirge tartylǵan investitsiialar kólemi 553 mlrd teńgeden asty, bul 2024 jyldyń osy kezeńindegi kórsetkishterden 1,4 ese joǵary. Alaida 2020-2024 jyldar kezeńinde negizgi kapitalǵa salynǵan investitsiialar deńgeii boiynsha oblys respýblikalyq reiting kóshbasshylarynan 3,5 ese artta qalyp otyr", - dep jazylǵan habarlamada.
Jalpy Joǵary aýditorlyq palata júrgizgen aýdit barysynda biýdjettik josparlaý, memlekettik satyp alý, investitsiialyq jobalardy basqarý bóliginde, sondai-aq, "Taraz" ÁKK" AQ qyzmetinde birqatar zańbuzýshylyq pen kemshilik anyqtalǵan.
"2020-2024 jyldary biýdjetten túsimder - orta eseppen 80%. Osy kezeńde transfertter 344 mlrd teńgeden 521 mlrd teńgege deiin, 51%-ǵa ósken. Al 38 mlrd teńgeden asa somaǵa biýdjet qarajatyn igermeý deregine jol berilgen. Óńirdi damytýdyń 2021-2025 jyldarǵa arnalǵan baǵdarlamasynda Taraz káriz-tazartý nysandarynyń bolmaýy, turǵyn úi alýǵa kezekte turǵandar sanynyń ósýi jáne sýarmaly jerlerde sý únemdeý tehnologiialaryn engizý deńgeiiniń tómendigi siiaqty birqatar mańyzdy jáne ózekti problemany sheshý jónindegi kórsetkishter men is-sharalar qamtylmaǵan. Memlekettik satyp alý salasynda Taraz qalasynyń qurylys jáne turǵyn jai-kommýnaldyq sharýashylyq bólimderiniń "qyzmet babynda paidalaný úshin" degen grifi bar shart jasasýdyń erekshe tártibin negizsiz qoldaný derekteri anyqtaldy", - dep jazylǵan habarlamada.
Bul adal básekelestikti shekteýge alyp kelgen.
"Sonymen qatar, úlestes kompaniialarmen sharttar jasasý jaǵdailary bar. Aýditorlar Taraz qalasynda jáne oblysta investitsiialyq jobalardyń iske asyrylýy nashar baqylanatynyn atap ótedi. Merdigerlerge oryndalmaǵan jumys úshin aqy tóleý jáne áli ótelmegen bereshekteri bola tura avans berý tirkelgen. Mysaly, Taraz qalasynyń TKSh bólimi biyl maýsym aiynda qalalyq avtojoldardy ortasha jóndeý boiynsha eki jobaǵa 537 mln teńgeden asa tólem jasaǵan, biraq 70 kún ótse de jumys bastalmaǵan. Bul jumys tamyzda aýdit júrgizý nátijesinde ǵana bastaldy. Jambyl oblysy Shý aýdanynyń 18 eldi mekenine jetkiziletin gaz qubyryn salýdyń normativtik merzimi eki jyl bolsa da, alty jyldan asa ýaqyt boiy aiaqtalmai keledi. Nátijesinde 8,2 mlrd teńge igerilmei, joǵary turǵan biýdjetke qaitarylǵan, iaǵni qarajat tiimsiz paidalanylǵan", - dep jazylǵan habarlamada.
Jalpy aýdit qorytyndysy boiynsha:
- 58,5 mlrd teńgege qarjylyq zańbuzýshylyqtar anyqtaldy, onyń 47,1 mlrd teńgesi býhgalterlik esep jáne qarjylyq esep salasyndaǵy zańbuzýshylyqtar;
- 75,6 mlrd teńge tiimsiz josparlanylǵan jáne paidalanylǵan.
