Jambyl oblysynda 24 jastaǵy áskeri qyzmetker saltanatty is-shara barysynda basyna bótelke jaryp, bir kózin qatty jaralap aldy. Dárigerler áskeri qyzmetker der kezinde emdelmese, ekinshi kózinen de aiyrylýy múmkin ekenin málimdedi, dep habarlaidy Dalanews.kz.
Oqiǵa ótken senbide Jýaly aýdanyndaǵy 91678 áskeri bóliminde bolǵan. Jas sarbazdardyń ant qabyldaýy rásimi kezinde áskeriler ata-analar aldynda urys ónerin kórsetken. Sol sátte sarbazdyń basyna jarǵan bótelkeniń synyqtary kózine kirip ketken. Nátijesinde sarbaz kóz janarynan aiyryldy. 24 jastaǵy azamat buǵan deiin qaýipti triýkti birneshe ret jasaǵanyn aitty.
Dárigerler qajetti em-shara jasaǵanymen, kóz janaryn saqtap qalý múmkin bolmady. Al áskeri bólimniń basshysy jábirlenýshini dalada qaldyrmaimyz dep ýáde etti. Ol qajetti em-sharalaryn qabyldaǵannan keiin jumysqa oralýy múmkin dep málimdedi.
