"Ózimniń oılanbaı jasaǵan áreketim arqyly memleketimizdiń syrtqy saıasattaǵy bedeline kóleńke túsirgim kelmeıdi.
Osy kúnderi kóp oılandym, meniń áreketimdi aıyptaǵan kópshiliktiń shaǵymy zańdy, túsinemin.
Búgingideı aýmaly-tókpeli shaqta mundaı pikir qaldyrǵanym orynsyz boldy. Osynyń saldarynan eki eldiń arasyna syna qaǵa jazdadym, meniń jazbam qoǵamnyń kóńil-kúıine de teris áser etti.
Osy oraıda partıanyń resmı ustanymyn tolyq qoldaıtynymdy málimdeımin. Jaýapkershilikti sezine otyra, depýtattyq mandatymdy tapsyrý týraly sheshim qabyldadym. Jerlesterim jáne partıalastarymnan qatelik jibergenim úshin keshirim suraımyn", - dep jazdy Bashınskaıa jelidegi paraqshasynda.
Aıta ketelik, buǵan deıin "AMANAT" partıasy Almaty qalalyq fılıalynyń tóraǵasy Stanıslav Kankýrov osynaý oǵash oqıǵaǵa qatysty pikir bildirip, Bashınskaıanyń pikiri partıanyń kózqarasyn bildirmeıtinin habarlaǵan.
«AMANAT» partıasy ózge elderdiń saıasatyna aralaspaıdy. A.Bashınskaıa abaısyzda qatelikpen jazylǵan pikiri úshin óz tarapynan keshirim surady.
Degenmen, aıtylǵan sózdiń aýyrtpalyǵy men onyń saıası astaryn eskere otyryp, bul máseleni partıa beı-jaı qaldyrmaıdy.
Máseleni tez arada partıanyń tıisti qurylymdarynda qarastyratyn bolamyz. Árbir jergilikti máslıhat depýtaty ózi turyp jatqan memlekettiń múddesin basty orynǵa qoıýy tıis", - dedi ol.
Buǵan deıin Almaty qalalyq máslıhatynyń segizishi shaqyrylymynyń depýtaty Anna Bashınskaıa Ýkraınanyń Qyrymdy óz baqylaýyna qaıtarǵysy keletini týraly ekiushty pikir bildirgen bolatyn.
“Zelenskıı myrza, odan da Túrkıaǵa shabýyl jasańyz. Ol jaqty jyl boıy aýa raıy jyly bolady”, – dep pikir qaldyrdy Bashınskaıa Deutsche Welle paraqshasynda jazba astynda.
Keıin ol taǵy bir post jarıalap, joǵarydaǵy sózi úshin barlyǵynan keshirim surady.
https://dalanews.kz/ekonomika/88872-home-card-lite-ieleri-osy-zhyldyng-algashqy-3-ayynda-556-m
