Bas prokýratýra 2022 jylǵy qańtardaǵy oqıǵalarǵa baılanysty qylmystyq isterdi áli de tergep jatyr, - dep habarlaıdy Dalanews.kz.

29 sáýirde aýyr zardaptarǵa ákep soqqan bılik pen laýazymdyq ókilettikterdi asyra paıdalanǵany úshin (Qylmystyq kodekstiń 362-baby 4-bóligi) Qylmystyq is júrgizý kodeksiniń 128-baby tártibinde ishki ister eks-mınıstri Erlan Turǵymbaev ustalǵan.

"Qylmystyq iste memlekettik qupıa málimetter bolýyna baılanysty sotaldy tergep-tekserýdiń basqa derekteri jarıalanbaıdy", - dep jazylǵan habarlamada.

Aıta keteıik, buǵan deıin de buqaralyq aqparat quraldarynda burynǵy ishki ister mınıstri Erlan Turǵymbaevtyń ústinen qylmystyq is qozǵalǵany týraly aqparat tarady.

Derekterge súıensek, oǵan qatysty 361-baptyń 1-bólimi ("laýazymdyq ókilettikterdi teris paıdalaný") boıynsha is qozǵalǵan, ıaǵnı Qańtar oqıǵasy kezinde qyzmettik ókiletin asyra paıdalandy dep aıyptalyp otyr eken.

Sonymen qatar, derekterde tergeý nysanynda burynǵy ishki ister mınıstrinen bólek Taldyqorǵan polısıasynyń burynǵy bastyǵy Asqar Nursapa, Qarasaı aýdanynyń burynǵy polısıa bastyǵy Bolat Totybaev jáne basqalary bar ekeni aıtyldy.

Erlan Turǵymbaev 2012 jyldan beri ishki ister mınıstriniń orynbasary, 2019 jyldan beri ishki ister mınıstri qyzmetterin atqardy.

Al 2022 jyly onyń qyzmetten ketkeni belgili boldy.