Bas prokýratýra Baianaýyl ulttyq parkindegi bylyqtardy áshkereledi, - dep habarlaidy Dalanews.kz.
Baianaýyl ulttyq parkinde prokýrorlyq tekseris barysynda jerdi óz betinshe basypalý, zańsyz qurylys salý jáne konkýrssyz ýchaskeler berý faktileri anyqtaldy.
Qazirgi ýaqytta qadaǵalaý aktisi boiynsha jerdi bosatý jáne óz betinshe salynǵan ǵimarattardy buzý boiynsha sharalar qabyldanýda (aýdany 1,9 ga 4 obektini buzý arqyly 4 ýchaske bosatyldy).
Sonymen qatar prokýrordyń narazylyǵy boiynsha Orman sharýashylyǵy komiteti týrobektilerdi ornalastyrýǵa oryn bergeni úshin tarifterdi bekitý boiynsha jumys júrgizýde.
Búgingi tańda 70-ke jýyq demalys úileri, kafeler men meiramhanalar jalǵa alynǵan jer ýchaskeleri úshin tólemnen bosatyldy.
Sol sebepti Baianaýyl ulttyq parki jyl saiyn shamamen 230 mln teńge shyǵynǵa ushyraidy, bul tabiǵatty qorǵaý is-sharalaryna, qyzmetkerlerdiń aqshalai úlesine jáne t.b. baǵyttalýy múmkin edi.
