باس پروكۋراتۋرا باياناۋىل ۇلتتىق پاركىندەگى بىلىقتاردى اشكەرەلەدى، - دەپ حابارلايدى Dalanews.kz.
باياناۋىل ۇلتتىق پاركىندە پروكۋرورلىق تەكسەرىس بارىسىندا جەردى ءوز بەتىنشە باسىپالۋ، زاڭسىز قۇرىلىس سالۋ جانە كونكۋرسسىز ۋچاسكەلەر بەرۋ فاكتىلەرى انىقتالدى.
قازىرگى ۋاقىتتا قاداعالاۋ اكتىسى بويىنشا جەردى بوساتۋ جانە ءوز بەتىنشە سالىنعان عيماراتتاردى بۇزۋ بويىنشا شارالار قابىلدانۋدا (اۋدانى 1،9 گا 4 وبەكتىنى بۇزۋ ارقىلى 4 ۋچاسكە بوساتىلدى).
سونىمەن قاتار پروكۋروردىڭ نارازىلىعى بويىنشا ورمان شارۋاشىلىعى كوميتەتى تۋروبەكتىلەردى ورنالاستىرۋعا ورىن بەرگەنى ءۇشىن تاريفتەردى بەكىتۋ بويىنشا جۇمىس جۇرگىزۋدە.
بۇگىنگى تاڭدا 70-كە جۋىق دەمالىس ۇيلەرى، كافەلەر مەن مەيرامحانالار جالعا الىنعان جەر ۋچاسكەلەرى ءۇشىن تولەمنەن بوساتىلدى.
سول سەبەپتى باياناۋىل ۇلتتىق پاركى جىل سايىن شامامەن 230 ملن تەڭگە شىعىنعا ۇشىرايدى، بۇل تابيعاتتى قورعاۋ ءىس-شارالارىنا، قىزمەتكەرلەردىڭ اقشالاي ۇلەسىنە جانە ت.ب. باعىتتالۋى مۇمكىن ەدى.
