Bas prokýratýra qazaqstandyqtardan elde tyiym salynǵan "Qazaqstan demokratiialyq tańdaýy" (QDT) ekstremistik uiymy músheleriniń arandatýyna erip ketpeýge shaqyrady, dep habarlaidy Dalanews.kz.
Bas prokýratýranyń túsiniktemesi men eskertpesine qaramastan, áleýmettik jelilerde jekelegen tulǵalar, onyń ishinde shetelden kelgen adamdar, sondai-aq tyiym salynǵan "Qazaqstannyń demokratiialyq tańdaýy" ekstremistik uiymynyń jaqtaýshylary el halqyn zańsyz mitingterge qatysýǵa shaqyrýdy jalǵastyryp jatyr.
Muhtar Ábliazovtyń bilikti kúshpen qulatýǵa jáne ony basyp alýǵa, áleýmettik arazdyqty qozdyrýǵa baǵyttalǵan úndeýin negizge ala otyryp, sotpen QDT-nyń búkil Qazaqstan boiynsha is-áreketterine tyiym salynǵan ekstremistik uiym bolyp tanylǵanyn eskertemiz.
Osy jaǵynan alǵanda, "QDT" ekstremistik uiymy beibit uiymǵa jatpaidy.
Onyń kez-kelgen qyzmetine qatysý QR Qylmystyq kodeksiniń 258-babyna, "Ekstremistik áreketti qarjylandyrý jáne ekstremizmniń basqa da túrlerin qarjylandyrý" jáne 405-babyna, "Sot sheshimimen tyiym salynǵan uiymnyń qyzmetine qatysý" boiynsha qylmystyq jaýapkershilikke tartýǵa jatady.
Buǵan qosa, buqaralyq is-sharany ótkizýge ruqsat alǵanǵa deiin ony uiymdastyrýshy, sondai-aq basqa adamdar buqaralyq aqparat quraldarynda, Internet jelisinde nemese basqa aqparattyq jelilerde ony ótkizý kúni, orny men ýaqytyn jariialaýǵa quqyly emes.
Sondai-aq, olar osy maqsatta paraqshalar, plakattar jáne basqa da soǵan uqsas materialdardy daiyndap, basyp shyǵarýǵa jáne ony taratýǵa quqyǵy joq. Osy erejelerdi buzý Ákimshilik quqyq buzýshylyq týraly kodekstiń 488-babynyń 3-tarmaǵyna sáikes, uiymdastyrýshynyń jaýapqa tartylýyn qarastyrady.
Basqasha aitqanda, 2020 jylǵy 22 aqpanda zańsyz áreketterdi uiymdastyrǵany jáne ótkizgeni úshin ákimshilik sharalar qabyldanady (Ákimshilik quqyq buzýshylyq týraly kodekstiń 488-baby - Qazaqstan Respýblikasynyń beibit jinalystardy uiymdastyrý jáne ótkizý tártibi týraly zańnamasyn buzý).
Eger bul áreketter azamattardyń, uiymdardyń, qoǵamnyń nemese memlekettiń quqyqtary men zańdy múddelerine aitarlyqtai ziian tigizse, kináliler qylmystyq jaýapkershilikke tartylady (Qylmystyq kodekstiń 400-baby - eger olar eleýli zalal keltirse, ruqsat etilmegen is-áreketti uiymdastyrý nemese oǵan qatysý).
Sondai-aq, 2019 jylǵy 26 qarashadaǵy № 273-VI Z zańy Ákimshilik quqyq buzýshylyq týraly kodeksinde 2019 jylǵy jeltoqsannan bastap kámeletke tolmaǵan adamdy zańsyz qoǵamdyq is-áreketterge tartý, sondai-aq ony qoǵamdyq, toptyq nemese jeke múddelerge paidalaný jáne ony narazylyqtarǵa tartý úshin jaýapkershilik engizilgenin túsindiremiz
Bul quqyq buzýshylyq úshin Ákimshilik quqyq buzýshylyq týraly kodekstiń 128-babynyń 2-bóliginde 100 ailyq eseptik kórsetkish mólsherinde aiyppul salý nemese on kúnge deiin ákimshilik qamaýǵa alý qarastyrylǵan.
Osyǵan bailanysty, kez-kelgen adamnyń ruqsat etilmegen buqaralyq is-sharany uiymdastyrý nemese oǵan qatysý áreketi quqyq qorǵaý organdarymen zańda belgilengen jaýapkershilik sharalaryn qoldaný arqyly toqtatylady.
Bas prokýratýra azamattardy arandatýshylyqqa boi aldyrmaýǵa, qoldanystaǵy zańdardy qatań saqtaýǵa jáne zańsyz qoǵamdyq aktsiialarǵa qatyspaýǵa shaqyrady.
- delingen habarlamada.
