Astanada Qazaqstan musylmandary dini basqarmasynda Bas múfti Naýryzbai qajy Taǵanuly birqatar Májilis depýtattarymen kezdesti. Bul týraly dini basqarmanyń resmi ókili Aǵabek Qonarbaiuly áleýmettik jelige jazdy, dep habarlaidy Dalanews.kz.
Kezdesýge Ermurat Bapi, Qazybek Isa, Samat Musabaev, Amanjol Áltaev, Abzal Quspan, Aigúl Quspan, Dáýlet Muqaev jáne taǵy basqa depýtattar qatysqan. Basqosýda QMDB tóraǵasy Dini basqarmanyń ótken jyly atqarǵan aýqymdy is-sharalary týraly aita kele, el igiligi men birligi jolyndaǵy jumys jospary jaily áńgimelep bergen.
“Alla qalasa, jýyrda kópten kútken «Islam entsiklopediiasynyń» birinshi, ekinshi, úshinshi tomy oqyrmanǵa jol tartady. Bul dini saladaǵy úlken jańalyqtyń, tarihi oqiǵanyń, irgeli eńbektiń biri bolady. Sonymen qatar «Babalar izimen: Qazaq dalasyndaǵy musylmandyq mektep» kitaby, «Din men dástúr» úshinshi kitaby da jaryq kóredi” - deidi bas múfti.
Onyń aitýynsha, atalǵan eńbekter din men dástúrimizdi dáripteý, musylmandyq mektebimizdi nasihattaý jolyndaǵy irgeli istiń biri bolmaq.
“Ózderińiz jaqsy bilesizder, elimiz biyl Túrki memleketteri uiymyna tóraǵalyq etedi. Qazaqstan musylmandary dini basqarmasy da ózimiz bastamashyl bolǵan Túrkitildes memleketterdiń múftiler alqasyna tóraǵalyq etedi. Osyǵan orai elimizde “Qoja Ahmet Iasaýi jáne sopylyq ilimi”, “Orta Aziia Fiqh mektebiniń metodologiiasy” halyqaralyq konferentsiialar ótkizemiz”, – dedi Naýryzbai qajy Taǵanuly.
Bas qosýda Bas múfti depýtattardyń saýalyna jaýap bergen.
Suhbat barysynda qoǵamǵa qaýip tóndiretin jat dini aǵymdardyń áreketine tosqaýyl qoiý, din men dástúr sabaqtastyǵyn dáripteý, jas býyn ókilderin teris ideologiialardyń ziianynan saqtandyrý máselesi sóz boldy. Kezdesý sońynda taraptar el igiligi jolynda birlese qyzmet etýge kelisken.
Eske salaiyq, 19 qańtar Májiliste bir emes, úsh depýtat dini taqyrypta Úkimetke depýtattyq saýal joldaǵan. Sonyń biri Amanjol Áltai salt-dástúrlerimizge degen shabýyl kóbeiip jatqanyna alańdaitynyn jetkizdi.
