Qazaqstan musylmandary dini basqarmasynyń tóraǵasy, Bas múfti Naýryzbai qajy Taǵanuly qazaqstandyqtardy Qurban ait merekesimen quttyqtap, el birligi men tatýlyqqa úndedi, dep habarlaidy dalanews.kz.
Bas múfti óz quttyqtaýynda Qurban aittyń musylman qaýymy úshin eń ulyq merekelerdiń biri ekenin atap ótti. Onyń aitýynsha, bul meiram – Allaǵa jaqyndaýdyń, taqýalyq pen jan tazalyǵyn arttyrýdyń, qaiyrymdylyq jasap, muqtaj jandarǵa qol ushyn sozýdyń merekesi.
«Qurban ait namazynan keiin úsh kún ishinde jaǵdaiy kelgen musylmanǵa qurbandyq shalý – mindet. Alla Taǵala qasietti Quranda: “Rabbyńnyń razylyǵy úshin namaz oqy jáne qurbandyq shal” dep buiyrǵan», – dedi Bas múfti.
Naýryzbai qajy Taǵanuly qazaq halqynyń Qurban aitty ejelden airyqsha daiyndyqpen qarsy alǵanyn aityp, qurbandyq etin muqtaj jandarǵa taratý, úlkenniń batasyn alý, renjisken adamdardyń tatýlasýy sekildi dástúrlerdiń qoǵamdaǵy izgilik pen meiirimdilikti nyǵaitatynyn jetkizdi.
Sondai-aq ol qasietti mereke kúnderi Qazaqstan musylmandary dini basqarmasy «Ait – tatýlyq merekesi» atty tatýlasý aktsiiasyn uiymdastyratynyn málimdedi. Aktsiianyń maqsaty – arazdasqan jandardy tatýlastyryp, qoǵamdaǵy aýyzbirshilikti arttyrý.
Bas múfti Qurban ait kezinde elimizdegi meshitter aýlasynda kiiz úiler tigilip, ulttyq sport túrlerinen jarystar men mádeni-rýhani is-sharalar ótetinin aitty. Osyǵan orai ol halyqty ulttyq kiim kiip, merekeni ulttyq naqyshta atap ótýge shaqyrdy.
Sonymen qatar Naýryzbai qajy Taǵanuly kásipkerlerdi áleýmettik jaǵdaidy eskerip, Qurban ait kúnderi mal baǵasyn negizsiz qymbattatpaýǵa jáne azyq-túlikke jeńildikter jasaýǵa úndedi.
Bas múftidiń aitýynsha, QMDB birneshe jyldan beri qurban.muftyat.kz onlain platformasy arqyly qurbandyq shalýdy tsifrlyq formatta uiymdastyryp keledi. Bul joba azamattarǵa qurbandyq rásimin yńǵaily ári ashyq túrde oryndaýǵa múmkindik beredi.
