Barsa kelmes sapary
Uiymdastyrýshylar ózge ǵalamshardy igerýge dúniejúziniń 200 myńnan astam turǵyny tilek bildirgenin málim etti. Qaitpas saparǵa attanatyn adamdardyń bilimdi, densaýlyǵy myǵym bolýy tiis. Sondyqtan bul talapty údesinen shyǵý úshin úmitkerler kóptegen synaqtan ótken. 2013 jyly Marsqa attanýǵa niet bildirgenderdiń sany 1058 adam bolsa, 2014 jyly olardyń 660 qysqarǵan. Biyl mamandar jańa jerdi igerýge attanatyn 50 erkek pen 50 áieldi iriktep aldy. Olardyń 39-y Soltústik Amerikadan bolsa, 31-i Eýropa turǵyny, 16 adam Aziia qurlyǵynan, 7 adam Afrikada, Reseiden 5 synaqtan ótse, Ýkrainadan bir adam taiaý bolashaqta Marsqa attanbaq. Barsa kelmes sapardy uiymdastyrýshylar 2018 jylǵy qyzyl ǵalamshaǵarǵa tájiribelik modýldi attandyryp kórmek. Al adamdardy attandyrý 2024 jylǵa josparlanyp otyr. Mars One kompaniiasy bolashaqta Marsqa attanǵan adamdardyń kúndelikti ómiri tikelei kórsetilim kórsetip, qyrýar paida tabýdy da kózdeýde.
