Barlyq ýaqytta tek kásibi jýrnalistikany qoldaityn bolamyn – Balaeva
Suhbat barysynda sait tilshisi Aida Balaevadan búginde qoǵamda oryn alyp jatqan protsesterge Aqparat ministrliginiń yqpal etý deńgeiin suraǵan bolatyn.
«Bul jerde eshqandai baǵalaýdyń qajeti joq. Bári aiqyn. Aqparat róli jyl saiyn, kún saiyn, sekýnd saiyn artyp otyrady. Biz shyndyǵynda da aqparat pen tehnologiialar zamanynda ómir súremiz. Sondyqtan biz birdeńege ielik etemiz dep aitý qiyn. Aqparatqa memlekettiń túbegeili monopoliiasy joq jáne bolmaidy da. Sol sebepti ministrlik basqarady nemese bilik etedi dep aitady», - dep jaýap berdi ministr.
Sonymen qatar ol Aqparat ministrligi ókiletti organ retinde memlekettik aqparat saiasatyn úilestirip, júzege asyratyndyǵyn atap ótedi.
«Aqparatqa qoljetimdilikti qamtamasyz etedi deý durys bolady. Jańa tehnologiialar jaǵdaiynda, jańa kommýnikatsiialar paida bolǵan kezde aqparatqa memlekettik monopoliia bar deýge kelmeidi. Ol bolmaidy da. Búginde biz tipti qarapaiym blogerdiń ózi aqparat tasymaldaýshy sanalatyndyǵyn jáne qoǵamdyq pikir qalyptastyratyndyǵyn kórip otyrmyz. Biraq, ministr retinde men barlyq ýaqytta tek kásibi jýrnalistikany qoldaityn bolamyn. Óitkeni, kásibi jýrnalist aqparat úshin jaýapkershilik arqalaidy», - dedi Aida Balaeva.
Abai.kz
